InternationalPosted at: Sep 24 2018 11:26AM امریکہ اور چین کے مابین تجارتی جنگ تیز
بیجنگ، 24 ستمبر (رائٹر) امریکہ اور چین کے مابین چل رہی تجارتی جنگ دن بدن بڑھتی جارہی ہے ، دونوں ملک پیر سے ایک دوسرے کے سامانوں پر نئی درآمد ڈیوٹی لگانے کی تیاری کررہے ہیں۔
دنیا کی دو سب سے بڑی معیشتوں کے مابین جاری تجارتی جنگ کایہ تازہ معاملہ ہے۔
امریکہ 200 ارب ڈالر کے چینی سامان پر فاضل درآمد ڈیوٹی لگانے کی تیاری کررہا ہے جبکہ اس کے جوا ب میں چین کا منصوبہ 60ارب ڈالر کے امریکی سامانوں پر فاضل امپورٹ ڈیوٹی لگانے کا ہے۔
اس سے پہلے اسی برس دونوں ملکوں نے ایک دوسرے کے پچاس ارب ڈالر کے سامانوں پر فاضل درآمد ڈیوٹی لگائی تھی جس کے بعد سے دونوں کے مابین تجارتی جنگ چل رہی ہے۔
وہائٹ ہاوس کے ایک سینئر افسر نے حالانکہ گزشتہ ہفتہ ایک بیان میں کہا تھا کہ امریکہ چین کے ساتھ بات چیت کو مثبت سمت میں لے جانے کا خواہشمند ہے لیکن دونوں فریق کی طرف سے اس سمت میں اب تک کوئی قدم نہیں اٹھایا گیا ہے۔
ماہراقتصادیات کا خیال ہے کہ اس تجارتی جنگ سے صرف چین اور امریکہ کی معیشت ہی نہیں بلکہ عالمی معیشت بھی متاثر ہوگی۔ انہوں نے وارننگ دی ہے کہ اس تنازعہ سے عالمی میعشت کی ترقی رک جائے گی۔
رائٹر ۔ م ع۔ 1000