NationalPosted at: Jun 21 2018 10:12PM لداخ میں ہندستانی اور چینی افواج نے یوگ کیا
نئی دہلی، 21 جون (یو این آئی) ہندستانی اور چینی افواج کے مابین اچھا جذبہ دیکھنے کو ملا اور دونوں ممالک کے فوجیوں نے لداخ کے دولت بیگ اولڈی میں تقریباََ 17ہزار فٹ کی اونچائی پر ایک ساتھ یوگ کیا۔
دولت بیگ اولڈی مشرقی لداخ میں چین سے ملحق سرحد کے نزدیک ایک چوکی ہے جہاں دونوں طرف کے فوجی باقاعدہ میٹنگوں میں ملاقات کرتے ہیں اور یہ 16ہزار 942فٹ کی اونچائی پر واقع ہے۔ اس مقام پر درجہ حرارت صفر سے کم رہتا ہے اور افواج نے ہمت اور مضبوط قوت اردی کا ثبوت دیتے ہوئے یوگ کیا۔
فوج کے ترجمان نے بتایا کہ چین کے 21فوجیوں نے چوتھے بین الاقوام یوم یوگا پر ہندستانی فوجیوں کے ساتھ یوگ کے آسن کئے۔ فوجیوں نے باہمی خیرسگالی کا مظاہرہ کرتے ہوئے جوش و خروش کے ساتھ یوگ کیا۔ چینی افواج نے مارشل آرٹ کا مظاہرہ کیا۔ ایک چینی فوجی نے گٹار بھی بجایا۔
یو این آئی ۔ م ع۔ 2015