NationalPosted at: Dec 14 2018 11:42PM پانچویں جشن ریختہ کا افتتاح
پانچویں جشن ریختہ کا افتتاح
نئی دہلی، 14 دسمبر (یو این آئی) پانچویں جشن ریختہ کی سہ روزہ تقریبات کا افتتاح آج یہاں میجر دھیان چند نیشنل اسٹیڈیم میں معروف روحانی شخصیت مراری باپو نے کیا۔
افتتاحی تقریب سے باپو اور جشن ریختہ کے روح رواں اور ریختہ فاؤنڈیشن کے بانی سنجیو صراف نے خطاب کیا۔ اس موقع پر صوفیاء ویب سائٹ کا بھی افتتاح کیا گیا۔
اس کے بعد انتہائی مقبول صوفی موسیقی کار اور قوال وڈالی صاحبان نے اپنے نغموں سے محفل کو رونق بخشی۔
جشن ریختہ اپنی گزشتہ چار تقریبا ت کی غیر معمولی کامیابی کے سبب دنیا بھر میں اردو زبان و تہذیب کے سب سے بڑے جشن کے طور پر جانا جاتا ہے۔
جشن میں اس بار بھی ادب، فلم،تھیٹر اور آرٹ کی دنیا سے اہم ترین شخصیات شامل ہورہی ہیں، جن میں خاص طور پر معروف فکشن نویس اقبال مجید، گوپی چند نارنگ،شارب ردولوی،شمس الرحمن فاروقی، شمیم حنفی،ذکیہ مشہدی،رتن سنگھ، پروشتم اگروال، صدیق الرحمن قدوائی،سدھیر چندرا،جاوید اختر ، شبانہ اعظمی، مالنی اوستھی،وشال بھاردواج، استاد اقبال احمد خان،انو کپور، محمود فاروقی،جاوید جعفری،گائتری اشوکن،شروتی پاٹھک، وارثی وغیرہ شریک ہیں۔
یو این آئی، سلام/اظ