NationalPosted at: Jun 23 2022 5:29PM دہلی کے راجندر نگر ضمنی انتخاب میں دوپہر ایک بجے تک 26 فیصد ووٹ ڈالے گئے
نئی دہلی، 23 جون (یو این آئی) قومی دارالحکومت دہلی میں راجندر نگر ضمنی انتخاب کے لیے جمعرات کی صبح ووٹنگ شروع ہوئی۔ ضمنی انتخاب میں دوپہر ایک بجے تک تقریباً 26.24 فیصد ووٹروں نے اپنے حق رائے دہی کا استعمال کیا۔ الیکشن کمیشن کے عہدیدار نے یہ اطلاع دی۔
انتخابی حکام کو توقع ہے کہ دوپہر کے بعد پولنگ کا تناسب بڑھے گا۔
چیف الیکٹورل آفیسر رنبیر سنگھ نے کہاکہ "ہم نے اپنے ووٹر بیداری پروگرام کے ذریعے ووٹروں کو ووٹ دینے کی ترغیب دینے کی پوری کوشش کی ہے۔ ہمیں امید ہے کہ ووٹنگ کا تناسب بڑھے گا۔ دوپہر کے بعد ووٹرز بڑی تعداد میں ووٹ ڈالنے کے لیے پولنگ اسٹیشن پہنچیں گے۔
واضح رہے کہ اس سے قبل 2020 میں اس حلقے میں 58.27 فیصد ووٹنگ ہوئی تھی اور ہمیں امید ہے کہ اس بار پچھلی بار سے زیادہ ووٹ پڑیں گے۔
راجندر نگر میں ضمنی انتخاب عام آدمی پارٹی کے رہنما راگھو چڈا کے پنجاب سے راجیہ سبھا کا رکن بنانے کے لیے سیٹ خالی کرنے کے بعد ہو رہا ہے۔ وہ مارچ میں پارلیمنٹ کے ایوان بالا کے لیے منتخب ہوئے تھے۔
راجندر نگر سیٹ پر بھارتیہ جنتا پارٹی (بی جے پی) اور عام آدمی پارٹی (اے اے پی) کے درمیان براہ راست مقابلہ ہو رہا ہے، جہاں اےاے پی نے اپنی جیت کا سلسلہ جاری رکھنے کے لیے درگیش پاٹھک کو میدان میں اتارا ہے، جب کہ بی جے پی نے راجیش بھاٹیہ جبکہ کانگریس نے پریم لتا کو بھی میدان میں اتارا ہے۔
یواین آئی۔ ظ ا