SportsPosted at: Jan 23 2019 8:17PM گورنر نے جموں کشمیر پولیس ٹیم اور رئیل کشمیر فٹ بال کلب کے درمیان منعقدہ نمائشی میچ دیکھاجموں، 23 جنوری (یو ا ین آئی) جموں وکشمیر کے گورنر ستیہ پال ملک نے بدھ کے روز یہاں بی ایس ایف سٹیڈیم پلوڑہ میں رئیل کشمیر فٹ بال کلب اور جے اینڈ کے پولیس کی فٹ بال ٹیموں کے درمیان کھیلا گیا نمائشی فٹ بال میچ دیکھا ۔گورنر کے مشیر خورشید احمد گنائی ، کے کے شرما ، کے وجے کمار ، چیف سیکرٹری بی وی آر سبھرامنیم ، ڈی جی پی دلباغ سنگھ ، پرنسپل سیکرٹری داخلہ آر کے گوئیل ، آئی جی بی ایس ایف این ایس جموال ، کمشنر یوتھ سروسز اینڈ سپورٹس سرمد حفیظ اور سیکرٹری سٹیٹ سپورٹس کونسل نسیم جاوید چودھری بھی اس موقعہ پر موجود تھے ۔دونوں ٹیموں کو میچ کے مشترکہ ونر قرار دیا گیا ۔