SportsPosted at: Jan 13 2021 8:56PM آئی ایس ایل : گوا اور جمشید پور میں زبردست مقابلہفاتوردا، 13 جنوری (یواین آئی ) ایف سی گوا ہیرو انڈین سپر لیگ (آئی ایس ایل) کے ساتویں سیزن کی پوائنٹ ٹیبل میں 15 پوائنٹ کے ساتھ چوتھے نمبر پر ہے لیکن ٹیم ابھی بھی ٹیبل ٹاپر ممبئی سٹی ایف سی سے 10 پوائنٹس پیچھے ہے اور انھیں ابھی 10 میچ کھیلنا باقی ہیں۔ گوا کے کوچ جوآن فرینڈو ایک وقت میں ایک میچ پر اپنی توجہ مرکوز کرنا چاہتے ہیں اور اسی ترتیب میں ٹیم کو اب اپنا اگلا میچ جمشید پور ایف سی کے خلاف جمعرات کو یہاں جواہر لال نہرو اسٹیڈیم میں کھیلنا ہے۔گوا نے گزشتہ سیزن میں ٹاپ پر رہتے ہوئے سیزن کا اختتام کیا تھا لیکن اس سال بہت سے میچوں میں بہتر کارکردگی کے باوجود ، ٹیم اپنے مطلوبہ نتائج حاصل کرنے کے لئے جدوجہد کر رہی ہے۔