جوکووچ، فیڈرر اور بارٹي کوارٹر فائنل میں

میلبورن، 26 جنوری (یو این آئی ) سات بار کے فاتح اور گزشتہ چمپئن سربیا کے نوواک جوکووچ، تیسری سیڈ سوئٹزرلینڈ کے راجر فیڈرر اور خواتین میں دنیا کی نمبر ایک کھلاڑی آسٹریلیا کی ایشلے بارٹي نے اتوار کو اپنے اپنے مقابلے جیت کر سال کے پہلے گرینڈ سلیم آسٹریلین اوپن کے کوارٹر فائنل میں جگہ بنا لی ہے ۔
دوسری سیڈ جوکووچ نے اپنی فتوحات برقرار رکھتے ہوئے 14 ویں سیڈ ارجنٹینا کے ڈیاگو شوارٹزمین کو روڈ لیور ایرینا میں دو گھنٹے چھ منٹ میں مسلسل سیٹوں میں 6-3، 6-4، 6-4 سے شکست دے کر 11 ویں بار آسٹریلین اوپن کے آخری آٹھ میں جگہ بنائی۔
جوکووچ گرینڈ سلیم ٹورنامنٹوں میں 46 ویں بار کوارٹر فائنل میں پہنچے ہیں۔