بوپنا بنے ارجن ایوارڈ کے حقدار

نئی دہلی، 09 جون (یو این آئی) آل انڈیا ٹینس ایسوسی ایشن (آئيٹا) نے روہن بوپنا کو فرانسیسی اوپن میں اپنے کیریئر کا پہلا گرینڈ سلیم ٹائٹل جیتنے کے لئے مبارکباد دیتے ہوئے کہا ہے کہ اب ڈبلز کھلاڑی یقینا ممتاز کھیل ایوارڈ ارجن ایوارڈ جیتنے کے حقدار بن گئے ہیں۔
بوپنا نے پیرس میں چل رہے سال کے دوسرے گرینڈ سلیم فرانسیسی اوپن میں مکسڈ ڈبلز کا خطاب جیت لیا ہے۔
ٹورنامنٹ میں انہوں نے کینیڈا کی گیبریلا ڈابرووسكي کے ساتھ مل کر یہ خطاب جیتا جو 37 سالہ بوپنا کے کیریئر کا پہلا گرینڈ سلیم بھی ہے۔