NationalPosted at: Mar 4 2021 10:28PM زراعت اور دیہی شعبے کو مضبوط بنانے پر حکومت کی توجہ: تومر
نئی دہلی، 4 مارچ (یو این آئي) وزیر زراعت نریندر سنگھ تومر نے کہا کہ حکومت کی توجہ زراعت اور دیہی شعبے کی ترقی اور مضبوطی پر مرکوز ہے اس کے لیے بہت ساری اہم اسکیمیں اور پروگرام چلائے جارہے ہیں، جو چھوٹے کسانوں کے لئے بہت فائدہ مند ہیں مسٹر نریندر سنگھ تومر نے جمعرات کے روز ایشیا پیسیفک رورل اینڈ ایگریکلچرل کریڈٹ ایسوسی ایشن (اے پی آر سی اے) اور نیشنل ایگریکلچرل اینڈ رورل بینک (نابارڈ) کی طرف سے مشترکہ طور پر منعقدہ "علاقائی پالیسی فورم" کے اجلاس کا افتتاح کرتے ہوئے یہ اظہار خیال کیا۔
دنیا بھر سے 24 ممالک کے 78 اداروں کی رکنیت والے اے پی آر سی اے کے 'علاقائی پالیسی فورم' بنیادی موضوع 'زراعتی کاروبار کلسٹر اور کریڈٹ بڑھانے والے آلات کے فروغ کے لئے ترقیاتی تعاون' تھا۔ اس فورم کے دو ذیلی موضوعات تھے "چھوٹے کسانوں کی زمرہ بندی اور زراعتی ترقی میں ان کا کردار" اور "گارنٹی میکانزم: کسانوں کے گروپوں کے لئے کریڈٹ پروموشن کا حل"۔
وزیر موصوف نے کہا کہ ہندوستانی معیشت زراعت اور دیہات پر مبنی ہے، جس کی ترقی کے لئے وزیر اعظم نریندر مودی مستقل کوششیں کررہے ہیں۔ ہم بخوبی جانتے ہیں کہ جب تک دیہات میں روزگار اور پیسہ نہیں ہوگا، تب تک زراعت ترقی نہیں کرے گی۔
انہوں نے ایشیا-بحر الکاہل کے ممالک میں عالمی وبا سے نمٹنے کے لئے کیے گئے اقدامات کی تعریف کی، خاص طور پر دیہی غریبوں پر اس وبا کے اثرات کو کم کرنے کے لئے کیے گئے اقدامات کو سراہا۔ انہوں نے فورم کو حکومت کی خود انحصار ہندوستان مہم کے بارے میں بتا یا۔ تقریبا 6865 کروڑ روپئے خرچ کرکے 10 ہزار نئے ایف پی او بنائے جارہے ہیں۔
یو این آئي۔ م ش۔ 1435