اگرتلہ، 19 (یو این آئی) تریپورہ میں آئندہ 18 فروری کو ہونے والے اسمبلی انتخابات کے لئے الیکشن کمیشن نے 40 پولنگ مراکز پر خواتین عملہ کی تعیناتی کا فیصلہ کیا ہے۔ ان پولنگ مراکز پر انتخابی اہلکار اور سکیورٹی اہلکار بھی خواتین ہی ہوں گی۔
ریاست کے چیف الیکشن افسر رام تارانیكات نے آج یہاں بتایا کہ 40 اسمبلی حلقوں کے ایسے 40 پولنگ مراکز کی پہلے ہی نشاندہی کی جا چکی ہے اور یہاں پر انتخابی اہلکار اور سکیورٹی اہلکار بھی خواتین ہی ہوں گی۔ انہوں نے بتایا کہ تمام 3214 پولنگ مراکز کو ہر طرح کی سہولیات مہیا کر دیا گیا ہے جن میں معذور افراد کے لئے ریمپ، انتخابی ڈیوٹی کرنے والے عملہ کے لئے بجلی، پانی اور بیت الخلاء کی سہولیات کی فراہمی شامل ہے۔ جن پولنگ مراکز پر خواتین ملازمین کی تعیناتی کی جائے گی وہاں کا ماحول ان کے لئے سازگاربنا دیا گیا ہے۔
انہوں نے بتایا کہ اس سے پہلے بھی کئی پولنگ مراکز پر خواتین ملازمین کی تعیناتی کی گئی تھی لیکن اس بار یہ تعداد زیادہ ہے۔ انتخابات کو پرامن طریقے سے کرانے کے لئے مرکزی نیم فوجی دستوں کی 300 کمپنیوں کو تعینات کیا جائے گا اور اس کی 25 کمپنیاں پہلے ہی ریاست میں آ چکی ہے۔
یو این آئی ۔م ش ۔ 1250