OthersPosted at: May 20 2019 1:10PM تریپورہ میں رکن اسمبلی کے خلاف عصمت دری معاملے کی جانچ شروع
اگرتلا،20مئی(یواین آئی)تریپورہ پولیس نے انڈین پیپلس فرنٹ آف تریپورہ(آئی پی ایف ٹی)رکن اسمبلی دھننجے تریپورہ کے خلاف ایک قبائلی لڑکی کو شادی کا جھانسا دے کر اس کی عصمت دری کرنے کے معاملے کی جانچ شروع کی ہے۔
دھلائی ضلع میں ریماویلی کے رکن اسمبلی مسٹر دھننجے نے اپنے خلاف الزامات کو خارج کیا ہے اور اسے ان کی شبیہ خراب کرنےکےلئے سیاسی سازش بتایا ہے۔
پولیس سپرنٹنڈنٹ (مغربی تریپورہ)اجیت پرتاپ سنگھ نے کہا،’’ہم نے معاملہ درج کرلیا ہے اور الزامات کی جانچ شروع کردی ہے۔متاثرہ کی میڈیکل جانچ مکمل ہوچکی ہے اور ہر پہلو سے معلوم ہوتا ہے کہ الزامات میں سچائی ہے۔معاملے میں ابھی کوئی گرفتار نہیں کی گئی ہے۔‘‘
پولیس ذرائع نے بتایا کہ متاثرہ نے اتوار کو منڈئی تھانے میں رکن اسمبلی کے خلاف شکایت درج کرائی تھی۔رپورٹ میں کہاگیا ہے کہ ملزم سے اس کی پہلی ملاقات 2010 میں ہوئی تھی اور ایک سال بعد دونوں کے درمیان رشتہ قائم ہوگیا۔اس نے شادی کا جھانسا دے کر 2014سے کئی بار اس کا جنسی استحصال کیا،لیکن کئی بار شادی کی تاریخ طے کرنے کے بعد بھی اسے ٹالتا رہا اور رکن اسمبلی بننے کے بعد پوری طرح سے اس سے رابطہ ختم کرلیا۔
یواین آئی۔اےایم۔