NationalPosted at: Feb 23 2020 11:08PM دوردرشن ٹرمپ کے دورۂ ہند کی عالمی کوریج کر ے گا
نئی دہلی، 23 فروری ( یواین آئی) پرسار بھارتی اور دوردرشن نے امریکی صدر ڈونلڈ ٹرمپ اور ان کی اہلیہ میلانيا ٹرمپ کے پیر سے شروع ہو رہے دو روزہ دورۂ ہند کی عالمی کوریج کی تیاری کی ہے ۔
مسٹر ٹرمپ کے دورے کو مدِ نظر رکھتے ہوئے دوردرشن نے ڈی ڈی انڈیا کے لئے لائیو فیڈ جینریٹ کرنے کے لئے احمد آباد، آگرہ اور نئی دہلی میں کئی مقامات پر ہائی ڈیفینیشن (ایچ ڈی) او بی وین اور کیمروں کا ایک بہت بڑا بیڑا تعینات کیا ہے ۔سرکاری ریلیز کے مطابق ہندوستان کے سرکا ری نشریاتی ادارے کا ٹیلی ویژن نیٹ ورک پرسار بھارتی نے مسٹر ٹرمپ اور محترمہ ٹرمپ کے پروگرام کی کوریج اور اس کے عالمی نشریات کی تیاریاں کی ہیں ۔ دوردرشن اپنے انگریزی نیوز چینل ’ ڈی ڈی انڈیا‘ کے ذریعے ’ نمستے ٹرمپ‘ پروگرام کی عالمی کوریج اور امریکی صدر کے دورۂ ہند کے لئے پوری طرح تیار ہے ۔ بڑے امریکی اور یورپی ٹی وی نیوز نیٹ ورک، جو ڈی ڈی انڈیا کے عالمی لائیو فیڈ کو نشر کریں گے، اس کے علاوہ یہ پروگرام ایم وائی کے پلیٹ فارم پر ڈی ڈی انڈیا کے ذریعے کوریا میں اور مصنوعی سیارہ کے ذریعے بنگلہ دیش میں بھی دستیاب ہو جائے گا ۔بین الاقوامی ناظرین یو ٹیوب کے ذریعے اور پرسار بھارتی کے گلوبل ڈیجیٹل پلیٹ فارم - اینڈروائڈ اور آئی او ایس پلیٹ فارم پر دستیاب نيوز آن ایئر کے ذریعے ڈی ڈی انڈیا کا لائیو فیڈ دیکھ سکیں گے ۔
جاری ، یواین آئی ۔ ک ج