InternationalPosted at: Jan 6 2018 10:41AM ٹرمپ جیسے عالمی رہنماؤں کو خصوصی درجہ حاصل ہے: ٹوئٹر
سان فرانسسکو، 6 جنوری (رائٹر) سوشل ویب سائٹ ٹوئٹر نے امریکی صدر ڈونالڈ ٹرمپ کو سائٹ سے ہٹانے کا مطالبہ کرنے والوں کے جواب میں کہا کہ مسٹر ٹرمپ جیسے عالمی رہنماؤں کو خصوصی درجہ حاصل ہے۔
ٹوئٹر نے کارپوریٹ بلاگ پر جاری ایک پوسٹ میں کہا’’ٹوئٹر سے ایک عالمی رہنما کو بلاک کرنا یا ان کے متنازعہ ٹویٹس کو حذف کرنا اہم معلومات کو چھپانے کے مترادف ہوگاکیونکہ لوگ اسے دیکھنا اور بحث کرنا چاہتے ہیں."
ٹوئٹر نے گذشتہ ستمبر میں کہا تھا کہ کسی اکاؤنٹ یا ٹویٹ کوحذف کرتے وقت اس خبر کی اہمیت اور عوامی مفادات جیسے معاملات پر غورکیا جاتا ہے۔
مسٹر ٹرمپ کے ٹویٹ کو لے کر حال میں تب بحث تیز ہو گئی جب انہوں نے اپنے @ ریئل ڈونالڈٹرمپ اکاؤنٹ کے ذریعے منگل کو کہا، "میرے پاس شمالی کوریا سے زیادہ طاقتور اور بڑا نیوکلیئر بٹن ہے جو کام بھی کرتا ہے۔ "دراصل شمالی کوریا کے رہنما کم جونگ نے پیر کو کہا تھا" مکمل امریکہ ہمارے جوہری ہتھیاروں کے دائرے میں ہے اور نیوکلیئر بٹن ہمیشہ میرے میز پر ہوتا ہے۔ یہ دھمکی نہیں، حقیقت ہے‘‘۔مسٹر ان کی اس دھمکی کے جواب میں مسٹر ٹرمپ نے ٹویٹ کر کےکہا، "میرے پاس بھی نيوكليير بٹن ہے جو زیادہ بڑا اور طاقتور ہے اور وہ کام بھی کرتا ہے‘‘۔
ناقدین کا کہنا ہے کہ مسٹر ٹرمپ کی نیٹ ورک پر موجودگی سے دنیا کے بحران میں اضافہ ہورہا ہے۔کچھ ٹرمپ مخالف لوگوں نے بدھ کو یہاں ٹوئٹر ہیڈکوارٹر کے باہر مظاہرہ بھی کیا۔ ٹوئٹر کے بیان کو لے کر امریکی وائٹ ہاؤس نے فورا کسی رد عمل کا اظہارنہیں کیا ہے۔
رائٹر،اظ 0940