InternationalPosted at: Nov 15 2019 10:38AM گٹیریس نے بولیویا میں امن کے لئے ذاتی سفیر بھیجا
اقوام متحدہ، 15 نومبر (یو این آئی) اقوام متحدہ کے سربراہ اینٹونيوگٹیریس نے بولیویا میں جاری سیاسی بحران کے درمیان قومی لیڈروں کو حمایت دینے کی غرض سے اس ملک میں ایک ذاتی سفیر بھیجا۔
اقوام متحدہ سربراہ کے ترجمان اسٹیفن دجارك نے جمعرات کو نیویارک میں نامہ صحافیوں کو بتایاکہ ’’اقوام متحدہ سربراہ، بولیویا کے واقعات کے سلسلے میں کافی فکر مند ہیں‘‘۔
انہوں نے متنازعہ صدارتی انتخابات کے نتائج کے سلسلے میں شروع ہوئے مظاہروں کے بعد تشدد کے بڑھتے واقعات کی طرف اشارہ کرتے ہوئے کہاکہ ’’مسٹر گٹیریس نے سبھی بوليويائی لوگوں سے تشدد سے دور رہنے اور تحمل برتنے کی اپیل کا اعادہ کیا ہے‘‘۔
مسٹر دجارك نے کہاکہ ’’مسٹر گٹیریس نے بولیویا کے سبھی فریقین کے ساتھ رابطہ قائم کرنے کے لئے جین آرنلڈ کو اپنا ذاتی سفیر مقرر کیا ہے۔ انہوں نے شفاف، جامع اور قابل اعتماد انتخابات کے ذریعے اس بحران کا پرامن حل نکالنے کے لئے اقوام متحدہ کو حمایت دی ہے‘‘۔
جین آرنلڈ کولمبیا امور کے سیکرٹری جنرل کے خصوصی نمائندے رہ چکے ہیں۔ وہ جارجيا، افغانستان، برونڈی اور گوئٹے مالا کے خصوصی نمائندے کے طور پر خدمات انجام دے چکے ہیں۔
واضح رہے کہ بولیویا میں جاری مظاہروں کے درمیان مسٹر مورالس اور نائب صدر الوارو گارسیا لنیرا نے اتوار کے روز اپنے عہدے سے استعفی دے دیاتھا۔ مسٹر مورالس اور مسٹر لنیرا نے فوج کے کمانڈر ولیم کلیما کے اصرار پر تشدد کے درمیان استعفی دینے کا اعلان کیا۔ مسٹر مورالس کے انتخابات میں دوسری بار فاتح رہنے کے بعد 20 اکتوبر سے وہاں مظاہرے ہو رہے ہیں۔ بولیویا کی اپوزیشن پارٹی نے انتخابی نتائج میں دھاندلی کا الزام لگاتے ہوئے اسے تسلیم کرنے سے انکار کر دیا تھا۔
یو این آئی۔ این یو۔