RegionalPosted at: Apr 16 2018 12:51PM سی بی آئی اتل کو ریمانڈپر لے سکتی ہے
لکھنو، 16اپریل (یو این آئی)اناو میں عصمت دری اور قتل کے معاملہ کی جانچ کررہی مرکزی تفتیشی بیورو (سی بی آئی) جیل میں بند رکن اسمبلی کلدیپ سنگھ سینگر کے بھائی اتل سنگھ کو ریمانڈ میں لینے کے لئے عدالت جاسکتی ہے۔
پولیس اور کرائم برانچ کی ٹیم نے ا تل سنگھ عرف جگدیپ سنگھ کو چھ دن پہلے کانپور سے گرفتار کیا تھا۔ تفتیشی ایجنسی اس معاملہ میں بانگرمؤ کے رکن اسمبلی اور اس کے ساتھی ششی سنگھ کو پہلے ہی گرفتار کرچکی ہے۔اتل پر عصمت دری کی شکار کے والد کو پیٹ پیٹ کر قتل کرنے کا الزام ہے۔ پولیس ڈائرکٹر جنرل او پی سنگھ نے گرفتار ی سے پہلے کہا تھا کہ ملزم کے خلاف پولیس کے پاس مناسب ثبوت موجود ہیں۔
ذرائع نے بتایا کہ کلدیپ کو ریمانڈ پر لینے کے بعد تفتیشی ایجنسی جیل میں بند اس کے بھائی تل کو بھی ریمانڈ پر لینے کی تیاری میں ہے۔ عصمت دری کی لڑکی کے گزشتہ تین اپریل کو وزیراعلی کی رہائش گاہ کے باہرخودسوزی کی کوشش سے ناراض اتل اور اس کے ساتھیوں نے متاثرہ کے والدے کی جم کر پٹائی کی تھی جس سے اس کی موت ہوگئی تھی۔ پوسٹ مارٹم کے مطابق بزرگ کی موت آنت پھٹنے سے ہوئی تھی۔
واقعہ کے بعد بڑھتے عوامی غصہ کے درمیان پولیس نے اتل سمیت چار لوگوں کو دس اپریل کو گرفتار کرلیا تھا۔ اس معاملہ میں تھانہ انچارج سمیت چھ پولیس اہلکاروں کو معطل کردیا گیا تھا لیکن رکن اسمبلی کی گرفتاری سے پولیس بچنے کی کوشش کرتی رہی۔ سیاسی حلقوں اور سوشل میڈیا میں اس معاملہ کے طول پکرنے کے درمیان وزیراعلی یوگی آدتیہ ناتھ نے معاملہ کو سی بی آئی کے حوالے کرنے کی سفارش کی جسے مرکزی حکومت نے بلاتاخیر منظور کرلیا۔ تفتیشی ایجنسی نے فوراََ کارروائی کرتے ہوئے جمعہ کی صبح رکن اسمبلی کو حراست میں لے لیا۔ 14گھنٹے تک مسلسل پوچھ گچھ کرنے کے بعد سی بی آئی نے اگلے دن اسے سی بی آئی عدالت میں پیش کرکے ریمانڈ پر لے لیا۔
جاری یو این آئی ۔ م ع۔ 1230