NationalPosted at: Jul 7 2020 5:52PM اترپردیش میں تین زرعی سائنسی مراکز کھلیں گے
نئی دہلی، 7 جولائی (یو این آئی) وزیر زراعت نریندر سنگھ تومر نے منگل کے روز کہا کہ اتر پردیش کے پریاگ راج اور رائے بریلی اور اعظم گڑھ میں تین نئے زرعی سائنسی مرکز کھولے جائیں گے۔
مسٹر تومر نے تین زرعی سائنسی مراکز(کے وی کے)، داتا گنج، بدایوں -2 (اتر پردیش) کی انتظامی عمارت کا آن لائن سنگ بنیاد رکھنے کے بعد، کہا کہ اتر پردیش میں 86 کے وی کے ہیں، جو اچھے کام کررہے ہیں۔ اس سے قبل اس ریاست میں 20 کے وی کے منظور کیے گئے تھے، جن میں سے 17 کھولے جاچکے ہیں۔ باقی کے وی کے پریاگراج، رائے بریلی اور اعظم گڑھ جلد کھل جائیں گے۔ مراد آباد میں ایک کے وی کے کی تجویز ہے۔
اس موقع پر، مسٹر تومر نے کہا کہ مرکزی حکومت کسانوں کے ساتھ دھوکہ دہی کی اجازت نہیں دے گی، لہذا نئے آرڈیننس کے ذریعے قانونی التزامات کی گئی ہیں۔ اب کاشتکاروں کو ان کی پیداوار کی قیمت کی پیشگی ضمانت دی جائے گی۔ مسٹر تومر نے کہا کہ مرکزی حکومت نے مزدوروں کو روزگار فراہم کرنے کے لئے غریب کلیان روزگار یوجنا کا آغاز کیا ہے، جبکہ اترپردیش حکومت نے بھی اپنی سطح پر لاکھوں ملازمتیں فراہم کرنے کے لئے ایک وسیع مہم چلائی ہے، جو قابل تحسین ہے۔
زراعت اور دیگر شعبوں میں مسلسل ترقی کا ذکر کرتے ہوئے مسٹر تومر نے کہا کہ حکومت چھوٹے طبقے کے لئے بھی حساس ہے، جس کی مثال اس بات کی ہے کہ کس طرح یوپی حکومت نے تارکین وطن مزدوروں کی نقل و حرکت اور معاملات کو کو سنجیدگی سے لیا ہے اور بہتر حکمت عملی بنا کر کامیابی سے کام کیا۔ مرکزی حکومت نے چھ ریاستوں کے 116 اضلاع میں پردھان منتری غریب کلیان روزگار یوجنا کو نافذ کرکے روزگار کی فراہمی کے لئے ٹھوس اقدامات اٹھائے ہیں۔
جاری۔ یو این آئی۔ ع ا۔