نئی دہلی، 18 ستمبر (یو این آئی) مالی سال 2020-21 کے لئے 2.36 لاکھ کروڑ روپے کے پہلے ضمنی گرانٹ مطالبات اس سے جڑے سرمایہ کاری بل کو آج لوک سبھا میں منظوری مل گئی اس کے ساتھ ہی ایوان نے مالی سال 17۔2016 کے لئے اضافی گرانٹ مطالبات اور اس سے متعلق سرمایہ کاری بل کو بھی منظوری دے دی۔
مالی سال 2020-21 کے پہلے ضمنی گرانٹ مطالبات میں 235852.87 کروڑ روپے کے مجموعی اضافی اخراجات کا التزام کیا گیا ہے۔ اس میں خالص نقد رقم سے متعلق کل 166983.91 کروڑ روپے ہیں جو 3042230 کروڑ روپے کے بنیادی بجٹ کا 5.4 فیصد ہے۔ باقی68868.33 کروڑ روپے کے اخراجات وزارتوں اور محکموں کی بچت یا بڑھتی ہوئی آمدنی سے پورے ہوں گے۔
مالی سال 2020-21 میں پہلے گرانٹ مطالبات میں سب سے زیادہ 73771.48 کروڑ روپے کی فاضل رقم دیہی ترقی کی وزارت کے لئے مانگی گئی ہے۔ اس میں 40 ہزار کروڑ روپے کا فاضل التزام قومی سماجی امداد پروگرام کے تحت وزیراعظم جن دھن یوجنا کی خاتوں کھاتہ داروں اور اندرا گاندھی قومی بزرگ پنشن کے لئے براہ راست فائدے کی منتقلی کے واسطے کیا گیا ہے۔
یو این آئی۔ این یو۔