image
Saturday, May 18 2024 | Time 18:09 Hrs(IST)
National

احمد محفوظ صاحبِ اسلوب شاعر ہیں:پروفیسر خالد محمود

احمد محفوظ صاحبِ اسلوب شاعر ہیں:پروفیسر خالد محمود

اصلاحی ہیلتھ کیئر فاؤنڈیشن کے زیر اہتمام پروفیسر احمد محفوظ کے شعری مجموعے”غبار حیرانی“کی رسم رونمائی
(نئی دہلی 5،فروری)احمد محفوظ صاحبِ اسلوب شاعر ہیں،ان کے پہلے شعری مجموعے کی اشاعت پر مبارکباد پیش کرتاہوں۔ ان خیالات کا اظہار اردو کے ممتاز ادیب اور شاعر پروفیسر خالد محمود نے شعبہ اردو جامعہ ملیہ اسلامیہ کے صدر پروفیسر احمد محفوظ کے شعری مجموعہ غبار حیرانی کی رسم اجرا کے موقع پر منعقد تقریب میں صدارتی خطاب کے دوران کیا۔
تقریب کا اہتمام اصلاحی ہیلتھ کیئر فاؤنڈیشن نے انڈین انسٹی ٹیوٹ آف اسلامک اسٹڈیذ ابوالفضل انکلیو(نئی دہلی)میں کیا تھا۔اس موقع پر پروفیسر احمد محفوظ نے اپنی کئی غزلیں سنا ئیں۔نظامت کا فریضہ ڈاکٹر عمیر منظر نے انجام دیا۔
پروفیسر خالد محمود نے سلسلہ کلام جاری رکھتے ہوئے کہاکہ مشرقی شعریات پرعبور، فلسفیانہ فکر، متانت، بردباری اور فارسی دانی نے احمد محفوظ کو نئی نسل کے نمائندہ شاعروں میں امتیازی مقام عطا کیا ہے۔
پروفیسر وہاج الدین علوی نے کہا کہ پروفیسر احمد محفوظ الفاظ کے تخلیقی استعمال کا ہنر خوب جانتے ہیں بلکہ اپنے معاصرین میں اس اعتبار سے وہ ممتاز ہیں۔ انھوں نے کہا کہ غبار حیرانی میں صنعتوں کا استعمال حیران کردینے والا ہے۔ اس اعتبار سے احمد محفوظ کی شاعری جدید اور قدیم کا سنگم ہے۔
پروفیسر شہپر رسول نے مجموعہ کلام پر اظہار خیال کرتے ہوئے کہا کہ احمد محفوظ کی انفرادیت یہ ہے کہ وہ غزل کی پرانی لفظیات و تراکیب کو اعتماد کے ساتھ استعمال کرتے ہیں۔ اور لفظ کو وہ نیا کرنے پر قدرت رکھتے ہیں۔ انھوں نے کہا کہ احمد محفوظ کی غزل کا موضوع کل کائنات زیست ہے۔ان کی غزل اظہار کی رواں دواں لہر لہجے کی آہستگی کے ساتھ تخلیقی دوست داری کا مظاہرہ کرتی ہے۔
پروفیسر معین الدین جینا بڑے نے کہا کہ احمد محفوظ کی شاعری کلاسیکی رچاؤ کی شاعری ہے۔ انھوں نے حیرانی کے مضامین کو نہایت عمدگی کے ساتھ باندھا ہے بلکہ ان کے مجموعے میں شامل اس نوع کے مضامین پر مشتمل اشعار اساتذہ سخن کی یاد دلاتے ہیں انھوں نے اپنا لہجہ دریافت کرلیا ہے اور اس کو نہایت خوبی سے برتا ہے۔پروفیسر معین الدین جینا بڑے نے یہ بھی کہا کہ احمد محفوظ کے یہاں تصوف و معرفت کے مضامین بھی بہت ہیں اور خوب ہیں۔
جاری۔یو این آئی۔ ایف اے۔م الف
پروفیسر سراج اجملی نے کہا کہ احمد محفوظ ہمارے ہونہار اورتازہ کار شاعر ہیں ان کے شعری مجموعے غبار حیرانی کی اشاعت عصر حاضر کا اہم ادبی واقعہ ہے۔انھوں نے کہا کہ احمد محفوظ کی تربیت اردو کے اہم جدید شعرا شمس الرحمن فاروقی سہیل احمد زیدی، فرخ جعفری اور عبدالحمید کے زیر اثر ہوئی، ان میں اول اور آخر الذکر کے سامنے احمد محفوظ نے باقاعدہ زانوئے تلمذ تہ کیا ہے. پروفیسر سراج اجملی نے کہا کہ احمد محفوظ کے مجموعے کے نام سے ہی تازہ مضامین اور تراکیب کا سلسلہ شروع ہوتا ہے اور آخری صفحے تک جاری رہتا ہے۔ انھوں نے کہا کہ کلاسیکی رچاؤ کے ساتھ جدید ترین تخلیقی اظہار کی خوبصورت مثال کے طور پر یہ شاعری پسندیدگی کے نئے آفاق دریافت کرے ایسا میرا خیال بھی ہے اور دعا بھی۔
پروفیسر مظہر احمد نے کہا کہ اس مجموعے کا برسوں سے انتظار تھا۔ انھوں نے غبار حیرانی کو روشن شاعری سے تعبیر کیا اور کہا کہ اسے پڑھتے ہوئے ایک عجب مسرت کا اظہار ہوتا ہے۔ انھوں نے امید ظاہر کی کہ یقیناً اس شاعری کو پڑھ کر ہم فخر کا احساس کرسکتے ہیں۔
عمیر منظر نے اس موقع پر اظہار خیال کرتے ہوئے کہا کہ ان کی شاعری کاغالب اسلوب انشائیہ ہے۔ پروفیسر احمد محفوظ کے فکر و خیال کی جہتوں کا اصل حسن ان کے بیان میں پوشیدہ ہے۔
تقریب رسم اجرا کا آغاز شعبہ اردو جامعہ ملیہ اسلامیہ کے طالب علم عبد الرحمن نے قرآن پاک کی تلاوتِ سے کیا اور سید تجمل حسین نے حمد پڑھا۔استاد ذیشان ضمیر نے پروفیسر احمد محفوظ کی ایک غزل اپنے مخصوص انداز میں پیش کی۔اس پروگرام کا اختتام حکیم نازش احتشام اعظمی کے کلمات تشکر پر ہوا۔
اس موقع پر بزرگ صحافی سہیل انجم،داکٹر شمس اقبال، ڈاکٹر سہلی احمد فاروقی،پروفیسر ندیم احمد،مصداق اعظمی،ڈاکٹر رضوان الحق، پروفیسر عمران احمد عندلیب، جناب معین شاداب، پروفیسر سرو الہدی، ڈاکٹر شاہ عالم، ڈاکٹر سید تنویر،جناب رؤف رامش، ڈاکٹر مشیر احمد، ڈاکٹر محمد مقیم، ڈاکٹر شہنواز فیاض اور شعبہ اردو کے ریسرچ اسکالر، طلبہ اور دیگر حضرات موجود تھے۔
یو این آئی۔ ایف اے۔م الف

خاص خبریں
مالیوال کیس میں بیبھو زیر حراست

مالیوال کیس میں بیبھو زیر حراست

نئی دہلی، 18 مئی (یو این آئی) دہلی پولیس نے وزیر اعلیٰ اروند کیجریوال کے ذاتی معاون (پی اے ) بیبھو کمار کو آج حراست میں لے لیا ۔

...مزید دیکھیں
بشکیک میں ہندوستانی طلباءپر حکومت کی نظر: جے شنکر

بشکیک میں ہندوستانی طلباءپر حکومت کی نظر: جے شنکر

نئی دہلی، 18 مئی (یو این آئی) وزیر خارجہ ایس جے شنکر نے ہفتہ کو کہا کہ حکومت کرغزستان کی راجدھانی بشکیک میں ایک ہاسٹل میں مقامی لوگوں اور غیر ملکیوں کے درمیان ہونے والے زبردست احتجاج کے تناظر میں ہندوستانی طلباءپر نظر رکھے ہوئے ہے۔

...مزید دیکھیں
جمہوریت کی بات کرنے والے مودی خود جمہوری طریقے سے نہیں چلتے: کھڑگے

جمہوریت کی بات کرنے والے مودی خود جمہوری طریقے سے نہیں چلتے: کھڑگے

نئی دہلی، 18 مئی (یو این آئی) کانگریس صدر ملک ارجن کھڑگے نے وزیر اعظم نریندر مودی پر حملہ کرتے ہوئے کہا کہ وہ جمہوریت کی بات کرتے ہیں لیکن خود کبھی جمہوری اقدار کی پیروی نہیں کرتے ہیں۔

...مزید دیکھیں
اقلیتی فلاح وبہبود وزارت کی مسلسل حج ایکٹ اور رول (ضابطہ)  کی خلاف ورزی کے خلاف صدر جمہوریہ کو خط

اقلیتی فلاح وبہبود وزارت کی مسلسل حج ایکٹ اور رول (ضابطہ) کی خلاف ورزی کے خلاف صدر جمہوریہ کو خط

نئی دہلی، 18 مئی (یو این آئی) مرکزی اقلیتی فلاح وبہبود وزارت کی مسلسل حج ایکٹ اور رول (ضابطہ) کی خلاف ورزی کے خلاف حج کمیٹی آف انڈیا کے سابق ممبر حافظ نوشاد احمد اعظمی نے خط لکھ کر ملک کی صدرجمہوریہ سے مداخلت کی اپیل کی ہے۔

...مزید دیکھیں
'شہزادے' کو اپنی تاریخ کا علم نہیں: یادو

'شہزادے' کو اپنی تاریخ کا علم نہیں: یادو

ممبئی، بھوپال، 18 مئی (یو این آئی) مدھیہ پردیش کے وزیر اعلی ڈاکٹر موہن یادو نے کانگریس کے سابق صدر راہل گاندھی کو نشانہ بناتے ہوئے آج کہا کہ 'شہزادے' کو اپنی تاریخ تک معلوم نہیں ہے۔

...مزید دیکھیں
تحقیقاتی ایجنسیوں کے دباؤ میں مالیوال نے جھوٹے الزامات لگائے: آپ

تحقیقاتی ایجنسیوں کے دباؤ میں مالیوال نے جھوٹے الزامات لگائے: آپ

نئی دہلی، 18 مئی (یو این آئی) عام آدمی پارٹی (آپ ) نے رکن پارلیمنٹ سواتی مالیوال کے الزامات کو جھوٹا قرار دیتے ہوئے ہفتہ کو کہا کہ تحقیقاتی ایجنسیوں کے دباؤ میں وزیر اعلی اروند کیجریوال کے پرسنل اسسٹنٹ بیبھو کمار کے خلاف الزامات لگائے گئے ہیں، جو ایک بڑی سازش کا حصہ ہے۔

...مزید دیکھیں
مودی کی ریلی میں 13 مشنوں کے 25 سفارت کار شرکت کریں گے

مودی کی ریلی میں 13 مشنوں کے 25 سفارت کار شرکت کریں گے

نئی دہلی، 18 مئی (یو این آئی) بھارتیہ جنتا پارٹی (بی جے پی) کی جانب سے غیر ملکی سفارت کاروں کے درمیان اپنی شناخت قائم کرنے اور سیاسی رابطے قائم کرنے کے لیے شروع کی گئی ’بی جے پی کو جانیں‘ مہم کے تحت یہاں واقع 13 مشنوں کے 25 سفارت کاروں نے وزیر اعظم نریندر مودی سے ملاقات کی، جو ہفتہ کو یہاں ہونے والی ریلی میں شرکت کریں گے۔

...مزید دیکھیں
اقلیتی فلاح وبہبود وزارت کی مسلسل حج ایکٹ اور رول (ضابطہ)  کی خلاف ورزی کے خلاف صدر جمہوریہ کو خط

اقلیتی فلاح وبہبود وزارت کی مسلسل حج ایکٹ اور رول (ضابطہ) کی خلاف ورزی کے خلاف صدر جمہوریہ کو خط

18 May 2024 | 5:57 PM

نئی دہلی، 18 مئی (یو این آئی) مرکزی اقلیتی فلاح وبہبود وزارت کی مسلسل حج ایکٹ اور رول (ضابطہ) کی خلاف ورزی کے خلاف حج کمیٹی آف انڈیا کے سابق ممبر حافظ نوشاد احمد اعظمی نے خط لکھ کر ملک کی صدرجمہوریہ سے مداخلت کی اپیل کی ہے۔ اس کی کاپی مرکزی کابینہ سکریٹری اور وزارت کے سکریٹری کو بھی بھیجی ہے۔

image