InternationalPosted at: Apr 28 2017 11:16AM كوريا کے ساتھ 'بڑا' تنازعہ ممکن، سفارتی حل کی کوشش : ٹرمپ
واشنگٹن، 28 اپریل (رائٹر) امریکہ کے صدر ڈونلڈ ٹرمپ نے کہا ہے کہ شمالی کوریا کے ایٹمی اور میزائل پروگرام کی وجہ سے اس کے ساتھ ایک بہت بڑا تنازعہ ممکن ہے لیکن وہ اس کا سفارتی حل تلاش کرنے کے لیے زیادہ اہمیت دیں گے۔ صدر کےدفتر میں 100 دن کی مدت مکمل کرنے کے موقع پر انہوں نے میڈیا سے کہا،’’ایسا خدشہ ہے کہ شمالی کوریا کے ساتھ ہم کسی بڑے تصادم میں الجھیں۔‘‘ امریکی صدر نے کہا کہ وہ اس مسئلے کا پرامن حل چاہتے ہیں، ان کا انتظامیہ فوجی فورسز کے استعمال کی جگہ اقتصادی پابندیوں کو سخت کرنے پر زور دے رہا ہے۔ انہوں نے کہا، ’’ہم اس کا حل سفارتی طریقے سے کرنا چاہتے ہیں لیکن یہ بہت مشکل ہے۔‘‘ مسٹر ٹرمپ نے کہا کہ آج شمالی کوریا ان کے لئے سب سے بڑاعالمی چیلنج ہے۔ انہوں نے اس پر لگام لگانے کے سلسلے میں چینی صدر شی جن پنگ کی تعریف کی۔ دونوں رہنماؤں نے اس مہینے کے آغاز میں فلوریڈا میں ملاقات کی تھی۔ انہوں کہا، ’’میرا خیال ہے کہ مسٹر جن پنگ سخت محنت کر رہے ہیں، وہ یقینی طور پر علاقے میں بدامنی نہیں دیکھنا چاہتے۔ وہ ایک اچھے انسان ہیں۔‘‘ انہوں نے یہ بھی کہا کہ وہ چاہتے ہیں کہ جنوبی کوریا امریکہ کی میزائل دفاعی سسٹم (ٹرمینل ہائی الٹیٹیوڈ ایریا ڈیفنس) تھاڈ کی قیمت ادا کرے، جس کی لاگت تقریبا ایک ارب ڈالر ہے۔ مسٹر ٹرمپ نے کہا، ’’امریکہ جنوبی کوریا کے ساتھ آزاد تجارت کے معاہدے کے دوبارہ جائزہ لینے یا ختم کرنے کا ارادہ رکھتا ہے کیونکہ اس کی وجہ سے ہمیں بڑےتجارتی خسارہ جھیلنے پڑ رہے ہیں۔‘‘ رائٹر۔اےایم۔