OthersPosted at: May 22 2020 8:07PM طوفان کی وجہ سے بنگال میں ایک لاکھ کروڑ روپے کا نقصان:ممتا بنرجی
کلکتہ 22مئی (یواین آئی)امفان طوفان کی تباہی کا فضائی سروے کے بعد وزیرا علیٰ ممتا بنرجی نے کہا کہ طوفان نے ریاست کو تباہ وبرباد کردیا ہے اور ریاست کو ایک لاکھ کروڑ کا نقصان پہنچا ہے۔
شمالی 24پرگنہ کے بشیر ہاٹ میں وزیر اعظم مودی کے ساتھ میٹنگ میں ممتا بنرجی نے کہا کہ بنگال ازسر نو بازآبادکاری کیلئے مرکز اور ریاست دونوں کو مل کر کام کرنے کی ضرورت ہے۔ممتا بنرجی نے وزیراعظم مودی کو سائیکلون سے ہونے والی تباہ کاریوں سے آگاہ کیا ہے۔بنگال میں اب تک 80افراد کی موت ہوچکی ہے۔
شمالی 24پرگنہ، جنوبی 24پرگنہ،مشرقی مدنی پور، ہگلی، ہوڑہ اور کلکتہ میں بڑے پیمانے پر انفراسٹکچر کو نقصان پہنچا ہے اور سرکاری اورغیر سرکاری املاک کو نقصا ن پہنچا ہے۔
وزیرا عظم نے ایڈوانس کے طور پر ایک ہزار کروڑ رروپے کی مالی مدد کا اعلان کرنے کے ساتھ اس حادثہ میں مرنے والوں کے اہل خانہ کو دو دولاکھ دینے کا بھی وعدہ کیا ہے۔جب کہ وزیرا علیٰ ممتا بنرجی نے ریاستی حکومت کے فنڈ سے 2.5لاکھ روپے دینے ا اعلان کیا ہے۔
یواین آئی۔نور