OthersPosted at: Jan 29 2018 2:03PM بنگال میں ضمنی انتخابات کیلئے ووٹنگ جاری
کولکاتہ، 29 جنوری (یواین آئی)مغربی بنگال کی ایک لوک سبھا سیٹ اور ایک اسمبلی سیٹ پر ہو رہے ضمنی انتخابات کے لئے ووٹنگ جاری ہے۔
مغربی بنگال میں الوبیريا لوک سبھا سیٹ اور نواپارہ اسمبلی سیٹ پر ضمنی انتخابات کے لئے ووٹنگ سخت سیکورٹی کے درمیان صبح شروع ہوئی۔
حکمران ترنمول کانگریس اور بھارتیہ جنتا پارٹی (بی جے پی) کے درمیان سیدھا مقابلہ ہے۔ وہیں مارکسی کمیونسٹ پارٹی (سی پی ایم) اپنی کھوئی زمین پر دوبارہ واپسی کی کوشش کر رہی ہے۔
دونوں سیٹوں پر آزادانہ اور منصفانہ انتخابات کرانے کے لئے مرکزی پولیس فورس کی 35 کمپنیاں تعینات کی گئی ہیں۔
الوبیريا لوک سبھا سیٹ ترنمول کانگریس کے ایم پی سلطان احمد کے انتقال کے بعد خالی ہوئی تھی جس پر ترنمول کانگریس نے سلطان احمد کی اہلیہ ساجدہ احمد کو امیدوار بنایا ہے۔ بی جے پی نے انوپم ملک، سی پی ایم نے شبیرالدین ملا اور کانگریس نے حسین وارثی کو امیدوار بنایا ہے۔ اس کے علاوہ پانچ آزاد امیدوار میدان میں ہیں۔وہیں نواپورہ اسمبلی سیٹ سے ترنمول کانگریس نے سنیل سنگھ کو امیدوار بنایا ہے جبکہ سی پی ایم نے گارگي چٹرجی کو اور کانگریس نے گوتم بوس کو ٹکٹ دیا ہے جبکہ بی جے پی نے سندیپ بنرجی کو اپنا امیدوار بنایا ہے۔
یو این آئی،اظ 1228