نئی دہلی، 27 مئی (یو این آئی) ہندوستان نے نیپال کی پارلیمنٹ میں ترمیم شدہ نقشے کو آئین میں شامل کیے جانے کی کاروائی ملتوی ہونے پر اطمینان ظاہر کرتے ہوئے آج کہا کہ سرحد سے متعلق مسائل حساس ہوتے ہیں اور ان کا حل باہمی یقین اور اعتماد ضروری ہوتا ہے۔
سرکاری ذرائع نے یہاں کہا کہ ہم نیپال میں ہونے والی سرگرمیوں پر محتاط نظر رکھے ہوئے ہیں۔ سرحد سے متعلق مسائل قدرتی طور پر حساس ہوتے ہیں اورباہمی اتفاق رائے سے ان کا حل ڈھونڈنے کے لیے باہمی یقین اور بھروسہ ضروری ہے۔
ذرائع نے کہا کہ ہم جانتے ہیں کہ نیپال میں اس معاملے کے سلسلے میں بڑی بحث چل رہی ہے۔ اس سے اس معاملے کی سنگینی، ہندوستان اور نیپال کے درمیان تعلقات سے منسلک قدرروں کی نشاندہی ہوتی ہے۔ ہندوستان صورتحال پر نظر رکھے ہوئے ہیں۔
اس ماہ لیپولیکھ درے تک ہندوستان کے سڑک تعمیر کی خبر آنے پر نیپال نے اس علاقے پر اپنا دعویٰ کیا تھا۔ نیپالی وزیراعلیٰ کے پی شرما اولی کی قیادت میں کابینہ کے اجلاس میں ان لمپیادُھرا، لیپولیکھ اور کالاپانی کو نیپالی علاقہ بیان کرنے والے متنازعہ نقشے کو منظوری دی تھی جبکہ یہ علاقے ہندوستان میں آتے ہیں۔ اس سے ہندوستان میں نیپال کے تئیں غصہ ظاہر ہوگیا تھا۔
نیپال نے فی الحال تنازعہ کو ختم کرنے کے مقصد سے اپنے قدم پیچھے کھینچ لی ہیں۔ نیپال کے حذب اقتدار اور حذب مخالف دونوں کے باہمی اتفاق رائے سے ہی آئینی ترمیمی بل کو فی الحال پارلیمنٹ کے کام کی فہرست سے ہٹایا گیا ہے۔ منگل کے روز نیپال کے وزیر اعظم کے پی شرما اولی نے نئے نقشے والے مسئلے پر قومی اتفاق بنانے کے لیے کل جماعتی اجلاس بلائی تھی جس میں یہ فیصلہ کیا گیا۔
یو این آئی،ایم اے۔