نئی دہلی، 8 مارچ (یو این آئی) لوک سبھا اسپیکر سمترا مہاجن نے عالمی یوم خواتین کے موقع پر نیک خواہشات کا اظہار کرتے ہوئے آج کہا کہ عورت کو بااختیار بنانے میں عالمی برادری کے سامنے موجودہ وقت بڑا چیلنج ہے۔مسز مہاجن نے لوک سبھا کی کارروائی شروع ہوتے ہی عالم یوم خواتین کا ذکر کیا اور ایوان کی جانب سے سبھی سے اس موقع پر نیک خواہشات کا اظہار کیا۔ انہوں نے خواتین کو بااختیار بنانے یعنی خواتین کو قابل بنانا وقت کی ضرورت قرار دیا اور کہا کہ یہ ایک طرح سے عالمی برادری کے سامنے بڑا چیلنج ہے۔انہوں نے کہا’’اگر عورت اور مرد کو انسانیت کی شکل کے پرندوں کے دو پنکھ قرار دیں تو بلند اور کامیاب پرواز کے لئے دونوں کا یکساں طور پر مضبوط ہونا ضروری ہے۔اگر ہم سب عورت کی مجموعی ترقی اور خواتین کی زندگی میں مثبت تبدیلی کے لئے پرعزم ہوکر اس سمت میں مل کر کام کریں تو میرا یقین ہے کہ دنیا کے آسمان میں ہندوستان کی ترقی میں زبردست پیش رفت ہوگی‘‘۔
یو این آئی،اظ 1219