بریلی:10دسمبر(یواین آئی) اترپردیش کے ضلع بریلی۔نینی تال ہائی وے پر ڈمپر سے ٹکرانے سے کار میں آگ لگ گئی ہے جس سے کار میں سور سبھی آٹھ افراد زندہ جل گئے۔
بریلی میں بھوجی پورا تھانہ علاقے میں نینی تال ہائی وے پر ہفتہ کی دیر رات خوفناک سڑک حادثہ ہوگیا۔ بریلی سے بہیڑی کی جانب جارہی کار کا ٹائر پھٹنے کے بعد ڈیوائیڈر پھاندکر دوسری جانب سے آرہے ڈمپر میں جا گھسی۔ دھماکے کے ساتھ دونوں گاڑیوں میں آگ لگنے سے کار سوار سبھی آٹھ لوگ زندہ جل کرمر گئے۔ فائر ٹیم نے بشمکل آگ بجھا کر گاڑیوں کو ہٹایا۔
بہیڑی باشندہ سمت گپتا کی کار بکنگ میں چلتی ہے۔ بتاتے ہیں کہ بہیڑی کے نارائن نگلا باشندہ فرقان نے بریلی کے لئے کار کی بکنگ کرائی تھی۔ بہیڑی کے محلہ جام باشندہ اویس کی بارات بریلی شہر میں فہم لان مین آئی تھی۔ اسی بارات میں آنے کے لئے کار بک کرائی گئی تھی ۔ بارات سے یہ لوگ دیر رات واپس بہیڑی لوٹ رہے تھے۔ بتاتے ہیں کہ بھوجی پورا تھانے سے آگے بہیڑی سمت میں دبھورا گاؤں کے نزدیک اچانک کار کا ٹائر پھٹ گیا۔ اس سے کار بے قابوہوکر ڈیوائیڈر پار کر دوسرے طرف چلی گئی۔
کار سامنے سے آرہے ڈمپر سے ٹکرا گئی۔ زور دار آواز ہوئی اور کار میں آگ لگ گئی۔ کار کو ڈمپر تقریبا 25 میٹر تک گھسیٹا ہوا چلا گیا۔ اس ڈمپر کے اگلے حصے میں بھی آگ لگ گئی۔ ڈمپر ڈرائیور اور ہیلپر گھبراہٹ میں کودکر فرار ہوگئے۔
اطلاع ملنے پر ایس ایس پی گھلے سشیل چندربھان، سی او نواب گنج چمن سنگھ چاوڑا کے ساتھ ہی سی ایف او چندرموہن شرما پولیس ٹیم کے ساتھ موقع پر پہنچے۔بمشکل آگ پر قابوپایا گیا۔ سبھی کار سوروں کے جل جانے کی حالت میں لوگوں کی تعداد اور پہچان نہیں ہوپارہی تھی۔ بعد میں پتہ چلا کہ خوفناک سڑک حادثے میں آٹھ افراد کی موت ہوئگی ہے۔ اتوار کی علی الصبح تک انکی شناخت ہوتی رہی۔
حادثے میں عرفان ولد بھورے باشندہ متا پور، عارف(24) ولد منی، شاداب(10)ولد عبدالماجد،آصف(22)ولد شمیم،عالم(22)ولد زاہد علی، ایوب(36)ولد یونس، منے(60)ولد اسماعیل اور آصف(28)ولد یوسف کی موت ہوگئی۔
یواین آئی۔ولی