یوم پیدائش 10 اکتوبر
ممبئی، 10 اکتوبر (یو این آئی) ریکھا، ایک ایسا نام جو اپنی خوبصورتی ، استقامت ، فلم نگری میں اپنی اداکاری کی بے مثال صلاحیتوں کے جوہر دکھانے اور بالی ووڈ میں کئی لازوال کردار نبھانے کے لئے جانی جاتی ہیں ریکھا کا شمارہندوستانی سینما کی بہترین اداکاراؤں میں ہوتا ہے جہاں ریکھا کو ان کی بہترین اداکاری کے لیے یاد کیا جاتا ہے وہیں ان کی پراسراریت بھی ان کی جاذب نظر شخصیت کا حصہ رہی ہے۔

ریکھا کا پورا نام بھانو ریکھا گنیسن ہے۔
ان کی پیدائش 10 اکتوبر 1954 کو مدراس موجودہ چنئی میں ہوئی۔
اداکارہ پُشپا ولی اور ایکٹر جیمینی گنیسن کی بیٹی، ریکھا نے اپنے فلمی کرئیر کا آغاز بطورِ چائلڈ ایکٹر تیلگو فلموں انتی گٹو (1958) اور رنگولا رتنم (1966) سے کیا۔

ریکھا اپنے اسٹیج نام ریکھا کے نام سے زیادہ جانی جاتی ہیں۔
انہوں نے 200 سے زیادہ فلموں میں کام کیا ہے اور متعدد اعزازات حاصل کیے ہیں، جن میں ایک قومی فلم ایوارڈ اور تین فلم فیئر ایوارڈز شامل ہیں۔

ریکھا نے اکثر مضبوط اور پرعزم خواتین کے کردار نبھائے ہیں،چاہے وہ تخیلاتی ہوں یا ادبی ۔
کمرشیل سینما ہو یا پیرلل سینما۔
ریکھا نے اپنے کرئیر میں زوال کا دور بھی دیکھامگر خود کو منفرد اور نئے انداز میں پیش کر کے نہ صرف ناظرین کا دل جیتا بلکہ اپنےہنر کا لوہا بھی منوایا۔

بچپن سے ہی تیلگو فلموں سے اپنا فلمی سفر شروع کرنے والی ریکھا کو کافی جدوجہد کرنی پڑی۔
اپنے کرئیر کا آغاز محض 11 برس کی عمر میں تمل فلموں سے کیا تھا پھر رفتہ رفتہ بالی ووڈ میں قدم رکھا جہاں انھوں نے یش چوپڑا جیسے ڈائریکٹرز کی فلموں میں اپنی اداکاری کے جلوے بکھیرے۔

جاری یواین آئی۔
ایم جے۔