ہریانہ، 8 اپریل (یو این آئی) بچوں کے حقوق، بیہیویئرل سائنس اور ذہنی صحت کو تعلیمی ڈھانچے میں شامل کر کے ایک ادارہ جاتی شکل دینے کے لیے ایمیٹی یونیورسٹی ہریانہ (اےیو ایچ) اور انڈیا چائلڈ پروٹیکشن (آئی سی پی) کے تحقیقی شعبے سینٹر فار لیگل اینڈ بیہیویئر چینج فار چلڈرن (سی۔ لیب) نے ایک معاہدے پر دستخط کیے ہیں اس معاہدے کے تحت فریقین بچوں کے تحفظ کے شعبے میں کام کرنے والے پیشہ ور افراد اور قانون نافذ کرنے والے اداروں کے لیے مختلف سرٹیفکیٹ کورس شروع کریں گے اور اس کے لیے نصاب اور مطالعاتی مواد بھی تیار کریں گے۔ ساتھ ہی دونوں مل کر بچوں کے تحفظ سے متعلق موضوعات پر تحقیق اور مہارت پیدا کرنے کی سمت میں کام کریں گے۔انڈیا چائلڈ پروٹیکشن نے سی-لیب کا قیام بچوں کے تحفظ اور انصاف کو یقینی بنانے کے لیے ضروری مہارت پیدا کرنے اور اس شعبے میں کام کرنے والے پیشہ ور افراد کی صلاحیتوں میں اضافے کے مقصد سے کیا ہے، جب کہ گروگرام کے قریب 110 ایکڑ پرمحیط پرائیویٹ شعبے کی ممتاز یونیورسٹی ایمیٹی یونیورسٹی ہریانہ (اے یو ایچ) کو حال ہی میں ہریانہ اسٹیٹ ہائر ایجوکیشن کونسل نے قومی تعلیمی پالیسی 2020 کے موثر نفاذ کے لیے 'ایوارڈ آف ایکسی لینس' (گولڈ کیٹیگری) سے نوازا ہے۔ اس مفاہمت نامے پر انڈیا چائلڈ پروٹیکشن کی ایگزیکٹو ڈائرکٹر ڈاکٹر سمپورن بہورا اور ایمیٹی یونیورسٹی ہریانہ کے پرو وائس چانسلر ڈاکٹر وکاس مدھوکر نے دستخط کیے۔
زمینی سطح پر مہارت اور تعلیمی صلاحیتوں کو کم کرنے میں اس تعاون کی اہمیت کے بارے میں بات کرتے ہوئے ڈاکٹر سمپورن بیہورا، ایگزیکٹیو ڈائریکٹر، انڈیا چائلڈ پروٹیکشن نے کہا، "یہ شراکت علمی علم اور زمینی حقائق کے درمیان فرق کو ختم کرنے میں ایک اہم قدم ثابت ہوگی۔ تمام اسٹیک ہولڈرز کو بچوں کے تحفظ کی صلاحیتوں کو متواتر طور پر فروغ دینے کی ضرورت ہے۔ اس تعاون کے ذریعے علمی مضامین اور زمینی حقائق کو ایک ساتھ لا کر بچوں کی حفاظت اور تحفظ کو یقینی بنانے کے لیے پیچیدہ زمینی حقائق کو مؤثر طریقے سے حل کرنا، ایمیٹی یونیورسٹی ہریانہ میں بچوں کے تحفظ کا ایک زیادہ حساس اور مضبوط نظام بنانے میں مدد کرے گی۔
ایمیٹی یونیورسٹی کے پرو وائس چانسلر ڈاکٹر وکاس مدھوکر نے کہا، "یہ تعاون قومی تعمیر میں بامعنی شراکت کرنے کے ایمیٹی یونیورسٹی کے وژن کے عین مطابق ہے۔ ان کورسز کے ذریعے، ہم اس بات کو یقینی بنائیں گے کہ بچوں کے تحفظ اور رویے میں تبدیلی اس شعبے میں کام کرنے والے تمام پیشہ ور افراد کے علم اور سمجھ کو بڑھانے میں اہم کردار ادا کرے، نہ کہ دستاویز کی حد تک۔"
معاہدے کے تحت، سی لیب بچوں کے حقوق اور بچوں کے تحفظ سے متعلق آگاہی پروگراموں کو ڈیزائن اور ان کا انعقاد کرے گا، بشمول نصاب کی ترقی، عملی علم اور تحقیق۔ ایمیٹی یونیورسٹی ہریانہ بھی تعلیمی مدد فراہم کرے گی، نصاب اور مطالعاتی مواد کے ترجمے میں مدد کرے گی اور بیداری کے پروگراموں میں تعاون کرے گی۔ مزید برآں، یونیورسٹی بچوں کے جنسی استحصال کے معاملات میں مدد فراہم کرنے والے "سپورٹ پرسنز" کے لیے سی لیب کے سرٹیفکیٹ کورس کو تسلیم اور اس سے منسلک کرے گی۔ سی لیب نے گزشتہ سال اس کورس کا آغاز کیا تھا، جو 2023 میں سپریم کورٹ کی ہدایت کے بعد اور بھی اہم ہو گیا ہے، جس میں بچوں کے جنسی استحصال کے ہر معاملے میں عدالت دوست کی تقرری کو لازمی قرار دیا گیا تھا۔
یو این آئی۔ ظ ا۔ م الف