نئی دہلی، 18 اپریل (یو این آئی) مرکزی کابینہ نے ہفتہ کے روز اپنے ملازمین کے لیے یکم جنوری 2026 سے مہنگائی بھتے میں دو فیصد اضافے کی منظوری دے دی ہے وزیر اعظم نریندر مودی کی صدارت میں یہاں منعقدہ کابینہ کی میٹنگ کے بعد اطلاعات و نشریات کے وزیر اشونی ویشنو نے بتایا کہ اب مرکزی ملازمین کے لیے مہنگائی بھتہ 58 فیصد سے بڑھ کر 60 فیصد ہو جائے گا ریٹائرڈ مرکزی ملازمین کو پنشن میں ملنے والی مہنگائی راحت (ڈی آر) کو بھی 58 فیصد سے بڑھا کر 60 فیصد کر دیا گیا ہے۔
مسٹر ویشنو نے بتایا کہ اس فیصلے سے سرکاری خزانے پر ہر سال تقریباً 6,791.24 کروڑ روپے کا اضافی بوجھ پڑے گا۔ اس اقدام سے تقریباً 50.46 لاکھ مرکزی ملازمین اور 68.27 لاکھ پنشنرز مستفید ہوں گے۔ سرکاری معلومات میں بتایا گیا ہے کہ مہنگائی بھتے میں یہ اضافہ ساتویں تنخواہ کمیشن کی سفارشات کے مطابق کیا گیا ہے۔
یواین آئی ۔ایف اے