نئی دہلی، 18 جون (یو این آئی) جی ایف سی جے کنٹینر گڈز ٹرین کے لوکو پائلٹ نے مغربی بنگال کے دارجلنگ ضلع کے رانی ڈنگا میں سگنل عبور کرتے وقت ٹرینوں کے لیے مقرر کردہ رفتار کے اصولوں پر عمل نہیں کیا، جس کی وجہ سے ٹرین حادثہ پیش آیا۔
ریلوے ذرائع نے منگل کو یہاں بتایا کہ ایسا لگتا ہے کہ جی ایف سی جے کنٹینر گڈز ٹرین کے لوکو پائلٹ (ٹرین ڈرائیور) نے ریڈ سگنل سے پہلے رکنے کی مقررہ شرائط پر عمل نہیں کیا اور رفتار کی حد 15 کلومیٹر فی گھنٹہ سے آگے بڑھ رہا تھا جس کی وجہ سے یہ حادثہ پیش آیا۔
ذرائع نے بتایا کہ اتفاق سے جی ایف سی جے کنٹینر گڈز ٹرین سے پہلے چھ دیگر ٹرینیں بھی رنگاپانی اسٹیشن سے گزری تھیں اور ان تمام ٹرینوں کے ڈرائیوروں نے حفاظتی اصولوں پر عمل کیا تھا۔ کنچن جنگا ایکسپریس ٹرین ریڈ سگنل سے پہلے ہی رک گئی تھی جب وہ جی ایف سی جے کنٹینر گڈز ٹرین سے ٹکرا گئی۔
ذرائع کے مطابق ٹرین خودکار سگنل فیل ہونے کے دوران چل رہی تھی۔ ایسے میں ٹرین کو ہر سگنل کے نیچے دن میں 01 منٹ اور رات کو 02 منٹ کے لیے روکا جاتا ہے۔ اس کے بعد ٹرین انتہائی احتیاط کے ساتھ اگلے اسٹاپ سگنل کی طرف بڑھ سکتی ہے۔ اچھی بصارت کی صورت میں ٹرین کی رفتار 15 کلومیٹر فی گھنٹہ اور کم بصارت کی صورت میں 10 کلومیٹر فی گھنٹہ ہونی چاہیے، تاکہ ٹرین کسی بھی رکاوٹ سے پہلے رک سکے۔
ذرائع نے بتایا کہ اس معاملے میں ایسا لگتا ہے کہ جی ایف سی جے کنٹینر گڈز ٹرین کے لوکو پائلٹ (ٹرین ڈرائیور) نے ریڈ سگنل سے پہلے رکنے کی مندرجہ بالا 02 شرائط پر عمل نہیں کیا اور 15 کلومیٹر فی گھنٹہ کی رفتار سے آگے بڑھا۔
ذرائع کے مطابق اتفاق سے جی ایف سی جے کنٹینر گڈز ٹرین سے پہلے 06 دیگر ٹرینیں بھی رنگاپانی اسٹیشن سے گزری تھیں اور ان تمام ٹرینوں کے ڈرائیوروں نے مذکورہ حفاظتی قوانین پر عمل کیا تھا۔ جس وقت کنچن جنگا ایکسپریس ٹرین جی ایف سی جے کنٹینر گڈز ٹرین سے ٹکرا گئی، کنچن جنگا ایکسپریس بھی ریڈ سگنل سے پہلے ہی رک گئی تھی۔
یواین آئی۔ ظ ا