Saturday, Mar 22 2025 | Time 22:15 Hrs(IST)
National

آدھی رات کو الیکشن کمشنر کی تقرری مودی-شاہ کی بداخلاقی ہے: راہل

آدھی رات کو الیکشن کمشنر کی تقرری مودی-شاہ کی بداخلاقی ہے: راہل

نئی دہلی، 18 فروری (یو این آئی) لوک سبھا میں قائد حزب اختلاف اور کانگریس کے سابق صدر راہل گاندھی نے وزیر اعظم نریندر مودی اور وزیر داخلہ امت شاہ پر الزام لگایا ہے کہ انہوں نے آدھی رات کو نئے چیف الیکشن کمشنر کی تقرری کر کے نہ صرف سب کو حیران کر دیا ہے بلکہ غیر آئینی قدم اٹھا کر اپنی غیر مہذب فطرت کا بھی مظاہرہ کیا ہے مسٹر گاندھی نے آج ایک سوشل میڈیا پوسٹ میں کہا کہ انہوں نے نئے الیکشن کمشنر کی تقرری کے لیے پیر کے روز منعقدہ میٹنگ میں اپنا اختلاف ظاہر کرتے ہوئے کہا کہ ملک کے چیف جسٹس کو کمیٹی سے ہٹانا غلط ہے اور ان کی جگہ وزیر داخلہ امت شاہ کو کمیٹی میں شامل کرنا نامناسب ہے  یہ معاملہ عدالت میں ہے اور سپریم کورٹ نے بدھ کو اس پر اپنا فیصلہ دینا ہے، اس لیے اس معاملے کو 19 فروری تک ملتوی کیا جانا چاہئے لیکن حکومت نے ان کے اختلاف کی پرواہ کیے بغیر آدھی رات کو نئے چیف الیکشن کمشنر کی تقرری کا نوٹیفکیشن جاری کر دیا اس لئے اس قدم کو مہذب نہیں کہا جا سکتا۔
مسٹر گاندھی نے کہا "اگلے الیکشن کمشنر کے انتخاب کے لیے کمیٹی کے اجلاس کے دوران میں نے وزیر اعظم اور وزیر داخلہ کو اختلافی نوٹ پیش کیا جس میں کہا گیا تھا کہ ایک آزاد الیکشن کمیشن کا سب سے بنیادی پہلو الیکشن کمشنرز اور چیف الیکشن کمشنر کے انتخاب کا عمل ہے۔ سپریم کورٹ کے حکم کی خلاف ورزی کرتے ہوئے اور چیف جسٹس آف انڈیا کو کمیٹی سے ہٹا کر حکومت نے انتخابی عمل کے منصفانہ ہونے کے بارے میں کروڑوں ووٹروں کی تشویش میں اضافہ کر دیا ہے۔
مسٹر گاندھی نے لکھا 'اپوزیشن لیڈر کی حیثیت سے یہ میرا فرض ہے کہ بابا صاحب امبیڈکر اور ہمارے ملک کے بانی قائدین کے نظریات کو برقرار رکھوں اور حکومت کو ذمہ دار ٹھہراوں ۔ جب سپریم کورٹ میں کمیٹی کی تشکیل اور طریقہ کار کو چیلنج کیا جا رہا ہے اور اڑتالیس گھنٹے سے بھی کم وقت میں سماعت طے ہو رہی ہے تو وزیر اعظم اور وزیر داخلہ کی جانب سے نئے سی ای سی کے انتخاب کے لیے آدھی رات کو فیصلہ کرنا توہین آمیز اور غیر مہذب ہے۔
یو این آئی ۔ ع خ

خاص خبریں
مرمو اور مودی نے یوم بہار پر  لوگوں کو مبارکباد  دی

مرمو اور مودی نے یوم بہار پر لوگوں کو مبارکباد دی

نئی دہلی، 22 مارچ (یو این آئی)صدرجمہوریہ ہند دروپدی مرمو اور وزیر اعظم نریندر مودی نے ہفتہ کے روز یوم بہار کے موقع پر بہار کے لوگوں کو مبارکباد دی اور نیک خواہشات کا اظہار کیا۔

...مزید دیکھیں
حد بندی اپنے پوشیدہ عزائم کو عملی جامہ پہنانے کے لیے بی جے پی کی چال ہے: اسٹالن

حد بندی اپنے پوشیدہ عزائم کو عملی جامہ پہنانے کے لیے بی جے پی کی چال ہے: اسٹالن

چنئی، 22 مارچ (یو این آئی) دراوڑ منیترا کزگم (ڈی ایم کے) کے صدر اور تمل ناڈو کے وزیر اعلی ایم کے اسٹالن نے ہفتہ کو کہا کہ موجودہ آبادی کی بنیاد پر مجوزہ حد بندی بھارتیہ جنتا پارٹی (بی جے پی) کی چال ہے۔

...مزید دیکھیں
سکھو نے شاہ سے ملاقات کی ، معاوضے کی رقم جاری کرنے کی درخواست کی

سکھو نے شاہ سے ملاقات کی ، معاوضے کی رقم جاری کرنے کی درخواست کی

نئی دہلی، 22 مارچ (یو این آئی) ہماچل پردیش کے وزیر اعلیٰ ٹھاکر سکھویندر سنگھ سکھو نے ہفتہ کو یہاں مرکزی وزیر داخلہ امت شاہ سے ملاقات کی اور ان سے آفت سے ہوئے نقصان کے لیے معاوضہ کی رقم جاری کرنے کی درخواست کی۔

...مزید دیکھیں
میناکشی لیکھی، روی کمار دہیا کو 'بھارت گورو رتن شری سمان' سے نوازا گیا

میناکشی لیکھی، روی کمار دہیا کو 'بھارت گورو رتن شری سمان' سے نوازا گیا

نئی دہلی، 22 مارچ (یو این آئی) غیر سرکاری تنظیم بھارت گورو رتن شری سمان پریشد نے سابق وزیر مملکت برائے امور خارجہ اور ثقافت میناکشی لیکھی اور ہریانہ کے پروفیشنل وزیر اروندکمار شرما اور اولمپک ایوارڈ یافتہ اور ہندوستانی پیشہ ور پہلوان روی کمار دہیا کو معاشرے کی ترقی میں ان کی شراکت کے لیے اعزاز سے سرفراز کیا گیا۔

...مزید دیکھیں
مودی بدعنوانی نہیں بلکہ بدعنوانوں کو بچانے کے لیے لڑ رہے ہیں: کانگریس

مودی بدعنوانی نہیں بلکہ بدعنوانوں کو بچانے کے لیے لڑ رہے ہیں: کانگریس

نئی دہلی، 22 مارچ (یو این آئی) کانگریس نے کہا ہے کہ وزیر اعظم نریندر مودی بدعنوانی کو ختم کرنے کی بات کرتے ہیں لیکن گوا میں سینکڑوں کروڑ روپے کے گھپلے نے واضح کر دیا ہے کہ وہ بدعنوانی کے خلاف نہیں بلکہ بدعنوانوں کو بچانے کے لیے لڑ رہے ہیں۔

...مزید دیکھیں
'میک ان انڈیا' تشہیر کا صرف ایک ذریعہ بن گیا: کھڑگے

'میک ان انڈیا' تشہیر کا صرف ایک ذریعہ بن گیا: کھڑگے

نئی دہلی، 22 مارچ (یو این آئی) کانگریس کے صدر ملکارجن کھڑگے نے وزیر اعظم نریندر مودی کی 'میک ان انڈیا' مہم کو محض پبلسٹی اسٹنٹ قرار دیتے ہوئے کہا ہے کہ ایک دہائی قبل اقتدار میں آنے کے بعد مسٹر مودی نے جو پرکشش وعدے کیے تھے ان میں سے کوئی بھی پورا نہیں ہوا۔

...مزید دیکھیں
آئی پی ایل سیزن 18 کا پہلا ٹاس آر سی بی  نے جیت کر  کولکتہ کو پہلے بلے بازی کی دعوت دی

آئی پی ایل سیزن 18 کا پہلا ٹاس آر سی بی نے جیت کر کولکتہ کو پہلے بلے بازی کی دعوت دی

کولکتہ، 22 ​​مارچ (یو این آئی) انڈین پریمیئر لیگ (آئی پی ایل) کے 18ویں ایڈیشن کے پہلے میچ کا ٹاس رائل چیلنجرز بنگلور (آر سی بی) نے جیت کر کولکتہ نائٹ رائیڈرز (کے کے آر) کو پہلے بلے بازی کی دعوت دی۔

...مزید دیکھیں