نئی دہلی، 10 نومبر (یو این آئی) قومی دارالحکومت دہلی میں لال قلعہ میٹرو اسٹیشن کے گیٹ نمبر ایک کے قریب پیر کی شام ایک کار میں دھماکہ ہوا جس کی زد میں کئی گاڑیاں آگئیں اور کچھ افراد کے زخمی ہونے کی اطلاع ہے ابتدائی اطلاعات کے مطابق دھماکہ میٹرو اسٹیشن کے پاس کھڑی ایک کار میں ہوا، جس کے بعد کار میں آگ لگ گئی۔ موقع پر دہلی پولیس کی ٹیم اور فائر بریگیڈ کی گاڑیاں موجود ہیں پولیس کی جانب سے فی الحال کوئی سرکاری بیان جاری نہیں کیا گیا ہے۔
دہلی فائر سروس نے بتایا ’’لال قلعہ میٹرو اسٹیشن کے گیٹ نمبر ایک کے پاس ایک کار میں دھماکے کی اطلاع موصول ہوئی تھی۔ فائر بریگیڈ کے اہلکاروں نے موقع پر پہنچ کر آگ پر قابو پا لیا ہے۔ اس واقعے میں آٹھ سے دس گاڑیوں کو نقصان پہنچا ہے۔‘‘
یو این آئی۔ این یو۔