ممبئی، 9 ستمبر (یو این آئی ) بالی ووڈ کے معروف اداکار اکشے کمار آج 58 برس کے ہو گئے اکشے کمار (اصل نام راجیو بھاٹیہ) 9 ستمبر 1967 کو امرتسر، پنجاب میں ایک متوسط پنجابی خاندان میں پیدا ہوئے ان کا بچپن دہلی میں گزرا اپنی تعلیم مکمل کرنے کے بعد اکشے بنکاک چلے گئے اور وہاں باورچی کے طور پر کام کرنے لگے اس دوران وہ وہاں مارشل آرٹ سیکھتے تھے بنکاک سے واپسی کے بعد اکشے کمار ممبئی آگئے اور مارشل آرٹس ٹرینر کے طور پر کام کرنے لگے۔
اس دوران اکشے کی ملاقات فلمساز پرمود چکرورتی سے ہوئی۔
پرمود چکرورتی نے انہیں اپنی فلم دیدار میں کام کرنے کی پیشکش کی۔
تاہم اس سے پہلے ان کی فلم سوگندھ ریلیز ہو گئی۔

اسی دوران ہدایت کار عباس مستان کی نظر اکشے کمار پر پڑی۔
انہوں نے انہیں اپنی فلم کھلاڑی میں کام کرنے کی پیشکش کی۔
سنہ 1992 میں ریلیز ہونے والی پر اسرار اور سنسنی سے بھرپور یہ فلم باکس آفس پر سپر ہٹ ثابت ہوئی اور کافی حد تک انڈسٹری میں نام کمانے میں کامیاب ہوئی۔
فلم کھلاڑی کی کامیابی کے بعد اکشے فلم انڈسٹری میں اپنی شناخت بنانے میں کامیاب ہوگئے۔
کھلاڑی کے بعد اکشے کمار فلم انڈسٹری میں کھلاڑی کمار کے نام سے مشہور ہوئے۔
اس کے بعد فلمسازوں نے ان کے ساتھ کھلاڑی کے عنوان سے کئی فلمیں بنائیں۔
ان میں 'میں کھلاڑی تو اناڑی، سب سے بڑا کھلاڑی، کھلاڑیوں کا کھلاڑی، مسٹر اینڈ مسز کھلاڑی، انٹرنیشنل کھلاڑی، کھلاڑی 420 وغیرہ شامل ہیں۔

سال 1994 اکشے کمار کے فلمی کیریئر کے لیے ایک اہم سال ثابت ہوا۔
اسی سال ان کی سپر ہٹ فلمیں جیسے یہ دلّی، مہرہ، سہاگ، اعلان اور میں کھلاڑی تو اناڑی ریلیز ہوئیں۔
فلم یہ دل لگی میں انہیں پہلی بار پروڈیوسر ڈائریکٹر یش چوپڑا کے ساتھ کام کرنے کا موقع ملا۔
اس فلم میں ان کی دم دار اداکاری کے لیے انہیں پہلی بار بہترین اداکار کے فلم فیئر ایوارڈ کے لیے بھی نامزد کیا گیا تھا۔
سال 1994 میں ریلیز ہونے والی فلم مہرہ ان کے فلمی کیریئر کی سب سے بڑی سپر ہٹ فلم ثابت ہوئی
جاری۔
یو این آئی۔
م اع