ممبئی، 5 مارچ (یو این آئی) حال ہی میں 'بھوت بنگلہ' کا سیٹ ایک منی کرکٹ گراؤنڈ میں بدل گیا، جہاں اکشے کمار شکھر دھون کے ساتھ کرکٹ کھیلتے نظر آئے 14 برس کے طویل انتظار کے بعد بالی ووڈ کی مشہور اداکار و ہدایت کار جوڑی اکشے کمار اور پریہ درشن ایک بار پھر 'بھوت بنگلہ' کے لیے ایک ساتھ آرہے ہیں اور اس خبر نے مداحوں میں زبردست جوش پیدا کردیا ہے یہ دونوں ہندی سنیما کو کامیڈی فلمیں دینے کے لئے جانے جاتے ہیں۔
اس بار وہ ایک ہارر کامیڈی کے ساتھ واپسی کر رہے ہیں، جو ڈر، خوف اور ہنسی دونوں کا حسین امتزاج ہے۔

بالاجی موشن پکچرز کے بینر تلے بننے والی اس آسیب زدہ حویلی پر مبنی فلم سے ان کے مخصوص مزاح، بہترین کامک ٹائمنگ اور فیملی تفریح کی واپسی کی امید ہے، جس نے ان کی پچھلی فلموں کو اتنا مقبول بنایا تھا۔
حال ہی میں 'بھوت بنگلہ' کا سیٹ اس وقت منی کرکٹ گراؤنڈ میں بدل گیا، جب اکشے کمار اپنی وہی متعدی توانائی کیمرے کے پیچھے بھی لے آئے۔
پردے کے پیچھے کے ایک دلچسپ ویڈیو میں سپر اسٹار کسی اور کے ساتھ نہیں بلکہ شکھر دھون کے ساتھ کرکٹ کھیلتے نظر آئے، جسے دیکھ کر عملے کے ارکان ایسے خوشی سے چیئر کرنے لگے جیسے کوئی اسٹیڈیم میچ چل رہا ہو۔
جو ایک عام کھیل کے طور پر شروع ہوا تھا، وہ دیکھتے ہی دیکھتے سیٹ پر مکمل کرکٹ کے جوش میں بدل گیا، جہاں شاٹس کے درمیان ہنسی مذاق اور ٹیم اسپرٹ کا ماحول چھایا رہا۔
مزہ اس وقت اور بڑھ گیا، جب اکشے کمار نے پورے عملے کو ایک اوپن چیلنج دے دیا اور جیتنے والی ٹیم کے لئے نقد انعام کا اعلان بھی کر دیا۔

میکرز نے حال ہی میں فلم کا پہلا گانا 'رام جی آکے بھلا کریں گے' ریلیز کیا ہے اور ریلیز کے بعد سے ہی اس نے انٹرنیٹ پر دھوم مچا دی ہے۔
یہ گانا اس وقت تمام پلیٹ فارموں پر ٹرینڈ کر رہا ہے اور مداحوں کو اس کا پرجوش انداز بہت پسند آرہا ہے۔
اکشے کمار کی وہی زبردست توانائی، درست کامک ٹائمنگ اور شاندار ڈانس مووز نے پرانی یادیں تازہ کر دی ہیں، جو ناظرین کو ان کی کلاسک فلموں کی یاد دلاتی ہیں۔
بالاجی ٹیلی فلمز لمیٹڈ کے ایک ڈویژن بالاجی موشن پکچرز نے کیپ آف گڈ فلمز کے ساتھ مل کر 'بھوت بنگلہ' پیش کی ہے، جس میں اکشے کمار، وامیکا گبی، پریش راول، تبّو اور راج پال یادو نظر آئیں گے۔
پریہ درشن کی ہدایت کاری میں بننے والی اور اکشے کمار، شوبھا کپور اور ایکتا آر کپور کی پروڈیوس کردہ یہ فلم 10 اپریل 2026 کو سنیما گھروں میں ریلیز ہوگی۔

یو این آئی۔
ایس اے