ممبئی، 7 اپریل (یو این آئی) بالی ووڈ اداکار فردین خان کی آنے والی ویب سیریز ہیرامنڈی: دی ڈائمنڈ بازار سے ان کی پہلی جھلک جاری کردی گئی ہے سنجے لیلا بھنسالی کی فلم ہیرامنڈی: دی ڈائمنڈ بازار میں منیشا کوئرالہ، سوناکشی سنہا، ادیتی راؤ حیدری، شرمین سہگل، ریچا چڈھا اور سنجیدہ شیخ شامل ہیں ہیرامنڈی: دی ڈائمنڈ بازار میں فردین خان بھی ایک اہم کردار میں نظر آئیں گے  فردین خان طویل عرصے بعد بطور اداکار واپسی کر رہے ہیں  ویب سیریز ہیرامنڈی: دی ڈائمنڈ بازار سے فردین خان کا پہلا لک ریلیز ہوگیا ہے۔

فردین خان ہیرامنڈی دی ڈائمنڈ بازار میں ولی محمد کے کردار میں نظر آئیں گے۔
فردین خان کے پوسٹرکو شیئر کرتے ہوئے نیٹ فلکس انڈیا نے کیپشن میں لکھا، محبت اور فرض کے بھنور میں پھنسے ولی محمد اپنی شاہی ذمہ داریوں کے ساتھ اپنے دل کی خواہش کو سمیٹنے کی کوشش کر رہے ہیں۔

شیکھر سمن بھی ہیرامنڈی: دی ڈائمنڈ بازار میں نظر آئیں گے۔
ان کی پہلی جھلک شیئر کرتے ہوئے لکھا گیا، ملکہ جان کے قدموں میں اپنی وفاداری رکھتے ہوئے، ذوالفقار اور اس کی شاندار خواہش کے درمیان صرف ایک چیز کھڑی ہے - ہیرامنڈی۔

ہیرامنڈی: دی ڈائمنڈ بازار طوائفوں اور ان کی زندگیوں کے گرد گھومتی ہے۔
1940 کی دہائی کی ہندوستانی آزادی کی جدوجہد کے ہنگامہ خیز پس منظر میں قائم، 'ہیرامنڈی' 'کوٹھوں' میں محبت، دھوکہ، وراثت اور سیاست کی کہانی بیان کرتی ہے۔
ہیرامنڈی: ڈائمنڈ بازار یکم مئی 2024 کو اوٹی ٹی پلیٹ فارم نیٹ فلکس پر ریلیز ہو رہی ہے۔

یواین آئی۔
الف الف