ممبئی، 15 جولائی (یو این آئی) شہناز گل اور جے رندھاوا کی اداکاری سے سجی پنجابی پیریڈ رومانٹک فلم 'عشق نامہ' کا ٹریلر ریلیز کر دیا گیا ہے اروندر ایس کھیرا کی ہدایت کاری میں بنی یہ فلم ہندوستان اور پاکستان کی سرحد پر جنم لینے والی ایک انوکھی محبت کی کہانی کو پیش کرتی ہے مقبول کتاب 'ہند پاک بارڈر نامہ' سے متاثر اور نما اور نسیمہ کی سچی کہانی پر مبنی 'عشق نامہ' کی کہانی سال 1981 سے 1988 کے درمیان ہندوستان اور پاکستان کی سرحد سے جڑے پنجاب کے علاقے میں پیش آتی ہے۔
فلم ایک نوجوان ہندوستانی سکھ شاعر نما اور پاکستانی پنجاب کی مسلم دوشیزہ نسیمہ کی محبت کو دکھاتی ہے، جو تقسیم کے زخموں اور سرحدوں کی بندشوں کے باوجود زندہ رہتی ہے۔
شہناز گل نے کہا، ”نسیمہ کا کردار ادا کرنا میرے لیے ایک اداکار کے طور پر پنر جنم ۔
جیسا تجربہ رہا۔
یہ کردار مجھے میری حدوں سے باہر لے گیا۔
’عشق نامہ‘ ایک شاندار اور کلاسک محبت کی کہانی ہے، جس میں پیار ایک انقلاب کی طرح سامنے آتا ہے۔
“
اروندر ایس کھیرا کی ہدایت کاری میں بنی اور سوربھ رانا کی پروڈیوس کردہ اس فلم میں جے رندھاوا، شہناز گل، سوربھ سچدیوا اور کئی دوسرے اداکار اہم کرداروں میں نظر آئیں گے۔
فلم کی موسیقی بی پراک نے تیار کی ہے اور نغمے جانی نے لکھے ہیں۔
'عشق نامہ' 24 جولائی کو ہندوستان، کینیڈا، برطانیہ سمیت دنیا بھر کے سنیما گھروں میں ریلیز ہوگی۔

یو این آئی۔
ایم جے