(یومِ پیدائش 14 اپریل کے موقع پر خصوصی تحریر)
ممبئی، 14 اپریل (یو این آئی) اپنی جادوئی اور کھنکتی آواز سے سامعین کو مسحور کرنے والی عظیم گلوکارہ شمشاد بیگم 14 اپریل 1919 کو پنجاب کے شہر امرتسر میں پیدا ہوئیں موسیقی کے استاد غلام حیدر نے جب ان کی آواز سنی تو محض 13 برس کی عمر میں ان سے پہلا پنجابی گیت گوایا اس دور میں انہیں فی گیت ساڑھے بارہ روپے ملا کرتے تھے ان کی آواز میں ایک خاص قسم کی کھنک اور جادو تھا، جو سننے والوں کو مسحور کر دیتا تھا انہوں نے کئی یادگار گیت گائے، جن میں’بڑی مشکل سے دل کی بے قراری کو قرار آیا‘ جیسے گیت شامل ہیں۔

کھنکتی آواز کی ملکہ کہلانے والی شمشاد بیگم 14 اپریل 1919 کو پنجاب کے شہر امرتسر میں پیدا ہوئیں۔
اس دور میں جب بھی بھونپو یا گراموفون سے کوئی آواز سنائی دیتی تو شمشاد اسے گانے لگتیں یہی ان کی ریاضت اور موسیقی کی ابتدائی تربیت تھی۔
موسیقار ماسٹر غلام حیدر نے جب ان کی آواز سنی تو محض 13 سال کی عمر میں انہیں پنجابی گیت ’’ہتھ جوڑیاں پنکھیاں دے‘‘ میں گانے کا موقع دیا ۔

سال 1950 میں ریلیز ہوئی فلم 'بابل' میں نوشاد کی موسیقی اور شمشاد بیگم کی آواز میں گایا گیا گیت 'چھوڑ بابل کا گھر موہے پی کے نگر آج جانا پڑا' آج بھی جب رخصتی کے وقت بجتا ہے تو سننے والوں کی آنکھیں نم ہو جاتی ہیں۔
شمشاد بیگم نے ایک بار اس سے جڑا ایک واقعہ سنایا تھا کہ "میری بیٹی کی شادی ہو رہی تھی اور سارا ماحول غمگین تھا۔
اچانک ہی یہ گیت بجایا گیا تو میری بیٹی روتے روتے ہنس پڑی اور اس نے کہا کہ ارے یہ تو میری امی کا گیت ہے"۔
اسی فلم میں شمشاد بیگم نے لتا منگیشکر کے ساتھ 'کسی کے دل میں رہنا تھا' بھی گایا تھا۔

جاری۔
یواین آئی۔
م س