EntertainmentPosted at: Sep 12 2025 5:01PM

خوبصورت مسکراہٹ والی اداکارہ مہما چودھری

(13ستمبر سالگرہ کے موقع پر)
ممبئی، 12 ستمبر (یو این آئی) بالی وڈ کی مشہور اداکارہ مہما چودھری آج 52 برس کی ہوگئیں۔
بالی ووڈ کی مشہور اداکارہ مہیما چودھری جو طویل عرصہ سے فلمی پردے سے دور ہیں، آج اپنی 52 ویں سالگرہ منا رہی ہیں- مہیما نے بالی ووڈ کے متعدد فنکاروں کے ساتھ کام کرکے ناظرین کے دلوں میں اپنی خاص شناخت بنائی-مہیما چودھری کی پیدائش 13 ستمبر 1973 کو دارجلنگ میں ہوئی- ان کا حقیقی نام ریتو چودھری ہے۔

انہوں نے دسویں کلاس تک ڈاؤن ہل کرسنگ میں تعلیم حاصل کی اور بعد میں دارجلنگ کے لوریٹو کالج سے تعلیم حاصل کی۔
سال 1990 میں انہوں نے پڑھائی چھوڑ کر ماڈلنگ کی دنیا میں اپنا کیریئر بنانا شروع کیا اور اس دوران کئی اشتہارات میں نظر آئیں، جن میں سب سے مشہور اشتہار پیپسی کا ہے جس میں وہ عامر خان اور ایشوریا رائے کے ساتھ تھیں۔

مہیما چودھری نے میوزک چینلز میں وی جے کے طور پر بھی کام کیا، جہاں انہیں سبھاش گھئی نے نوٹس کیا اور انھیں 1997 میں ریلیز اپنی فلم پردیس میں بریک دیا اس طرح مہیما چودھری نے فلم پردیس سے بالی ووڈ میں قدم رکھا تھا۔
اس فلم کی ہدایت سبھاش گھئی نے کی تھی اور اس میں شاہ رخ خان لیڈ رول میں تھے۔

فلم پردیس باکس آفس پر کامیاب رہی اور مہیما بہترین اداکاری کے لیے فلم فیئر ایوارڈ سے نوازیں گئیں-فلم پردیس کے علاوہ مہیما نے متعدد فلموں میں اپنی اداکاری کے جوہر دکھائے جن میں دل کیا کرے، داغ -دی فائر، پیار کوئی کھیل نہیں، دھڑکن، دیوانے، کروکشیترا، کھلاڑی 420، لجا، یہ تیرا گھر یہ میرا گھر، اوم جے جگدیش، دل ہے تمہارا، سایا، تیرے نام، باغبان، ایل او سی کارگل، دوبارہ، ضمیر، کچھ کھٹا کچھ میٹھا، سہر، فلم اسٹار، ہوم ڈیلیوری، سینڈویچ، کڑیوں کا ہے زمانہ، گمنام، ڈارک چاکلیٹ، جیسی فلمیں شامل ہیں-
مہیما چودھری کو فلم پردیس کے لیے فلم فیئر اور زی سنے کا بہترین ڈیبیو اداکارہ ایوارڈ، فلم دھڑکن کے لیے سنسوئی ایوارڈ کا بہترین سپورٹنگ اداکارہ کا ایوارڈ، فلم دل کیا کرے کے لیے فلم فیئر کا بہترین سپورٹنگ اداکارہ کے ایوارڈ سے نوازا گیا۔

ہیما چودھری کی شادی بزنس مین بابی مکھرجی سے ہوئی تھی لیکن ان کی شادی زیادہ لمبی نہیں چل سکی اور دونوں ایک دوسرے سے الگ ہوگئے- ان کی ایک بیٹی بھی ہے۔

مہیما کو کینسر کا عارضہ لاحق ہوگیا تھا اس سے صحتیاب ہونے کے بعد مہیما نے ایک انٹرویو میں بتایا کہ ان کی بیٹی دو مہینے تک اسکول نہیں گئی تھی۔
انہوں نے اپنے اس مرض کی جانکاری اپنے گھروالوں کو نہیں دی تھی۔

نوے (90) کی دہائی میں اپنی خوبصورت مسکراہٹ سے لوگوں کا دل جیتنے والی اداکارہ مہیما چودھری آج فلمی پردے سے دور اور اپنی نجی زندگی میں مصروف ہیں۔

یو این آئی۔
این یو۔

Entertainment

’دھرندھر‘ کے بعد سولو لیڈ فلم میں کام کریں گے ارجن رامپال

ساحر لدھیانوی : ایسا گیت کار جس نےاپنی شرطوں پر گیت لکھے

اقبال خان بنے اکشے کمار کے ساتھ 'وہیل آف فارچیون' کا حصہ

’دھرندھر‘ کے بعد سولو لیڈ فلم میں کام کریں گے ارجن رامپال

07 Mar 2026 | 11:02 AM

ممبئی، 7 مارچ (یو این آئی) بلاک بسٹر فلم ’دھرندھر‘ کی زبردست کامیابی کے بعد ارجن رامپال ایک طاقتور سولو لیڈ کے ساتھ ایک بار پھر بڑے پردے پر واپسی کر رہے ہیں۔ یہ نئی، فی الحال اَن ٹائٹل فیملی ڈرامہ فلم تفریح کے ساتھ ساتھ ایک مضبوط سماجی پیغام بھی لے کر آئے گی۔ کہانی زندگی کی سادگی، اپنی جڑوں سے جڑے رہنے اور ان رشتوں کا جشن مناتی ہے جو حقیقت میں اہمیت رکھتے ہیں۔ اس میں کوئی روایتی مسالہ نہیں، بلکہ دل کو چھو لینے والی اور پورے خاندان کے ساتھ دیکھنے لائق کہانی ہے، جو ہمیں اپنی وراثت اور اپنوں کی قدر کرنے کی اہمیت کو اجاگر کرتی ہے۔.