EntertainmentPosted at: Nov 9 2025 9:15AM

نو نومبر برسی کےموقع پر

ممبئی، 9نومبر (یو این آئی) حمیدہ بانو پلے بیک سنگنگ کی مسابقتی دنیا کا وہ ستارہ ہیں جسے فراموش کردیا گیا ہے۔
آج کے دور میں وہ لوگوں کے ذہنوں سے بھی اوجھل ہوچکی ہیں۔
ستم ظریفی یہ ہے کہ انہوں نے آخری بار میوزک کمپوزر رابن چٹرجی کے لیے فلم ’مجبوری‘ (1954) کے لیے گایا تھا۔
انہوں 1930 سے 1960 کی دہائی تک ہندوستانی اور پاکستانی فلموں میں غزلیں گائیں۔

حمیدہ بانو تقسیم ہند سے پہلے کے دور کی معتدل کامیاب گلوکارہ تھیں۔
ان کے یادگار گیتوں میں تیری ذات پاک ہے اے خدا (نیک پروین، 1946) اور چمپا کلی ہے اُداس (چین لے آزادی، 1947) شامل تھے۔
مکیش کے ساتھ ان کے ڈویٹ - جا پروانے جا کہاں شمع جل رہی ہے (راجپوتانی، 1946) اور بدریا برس گئی ہم پر (مورتی، خورشید بیگم کے ساتھ 1945) اب بھی سنجیدہ موسیقی کے شائقین کو یاد ہیں۔

حمیدہ بانو کی پیدائش 19 اکتوبر 1928 کو لاہور میں ہوئی۔
انہیں اور ان کی بہن کو بچپن سے ہی گلوکاری کا شوق تھا۔
ان کے اسی شوق کو دیکھتے ہوئے کسی نے انہیں بمبئی جانے اور وہاں قسمت آزمائی کا مشورہ دیا۔
اس مشورے پر عمل کرتے ہوئے ان کا کنبہ بمبئی چلا آیا۔
بمبئی میں انہیں کام نہیں ملا تو کسی نے انہیں اس امید پر کہ شاید کلکتہ میں کوئی کام مل جائے، کلکتہ چلے جانے کا مشورہ دیا۔
وہاں ان کے پاس ٹرانسپورٹ تک کے پیسے نہیں تھے اور وہاں انہیں 2 دن تک بھوکے رہنا پڑا۔

کلکتہ میں کچھ دن بعد انہیں پرتھوی راج تھیٹر میں کام مل گیا۔
اس وقت دونوں بہنیں کورس میں گاتی تھیں، لیکن پھر پرتھوی راج کو ان کی آواز بہت پسند آئی اور انہیں ایک سولو گلوکار کے طور پر اسٹیج پر گانا گانے کا موقع دیا۔
اس کے بعد راج کپور نے ان سے کہا کہ ان کا چہرہ اور آواز کافی اچھی ہے، انہیں اداکاری بھی شروع کر دینی چاہیے اور انہوں نے ڈراموں میں بطور اداکارہ و کلوکارہ کام کرنا شروع کر دیا۔

حمیدہ بانو نے پرتھوی راج کپور کے ساتھ درجن بھر اسٹیج ڈرامہ میں کام کیا ہے۔
اس وقت پرتھوی راج ہیرو ہوا کرتے تھے اور حمیدہ بانو ہیروئن۔
ان میں سے کچھ ڈرامے آغا حشر کاشمیری کے ڈراموں پر مبنی تھے۔
اس وقت کلکتہ ہی نہیں پورا بنگال حمیدہ بانوں جاننے لگا تھا۔
ایک ڈرامے میں راج کپور اور ششی کپور نے حمیدہ کے چھوٹے بھائیوں کے کردار ادا کئے تھے۔

اس کے بعد حمیدہ کلکتہ سے واپس آئیں اور فلموں میں قسمت آزمائی شروع کی۔
ایک موقع پر اداکار بھگوان دادا نے ہدایت کار سی رام چندر سے ان کی سفارش کی۔
جس کے بعد حمیدہ بانو کو نوشاد کی موسیقی میں فلم ’سنجوگ‘ میں ’کون گلی کا چھورا پکارے‘ گانے کا موقع ملا اور یہاں سے ان کا فلموں میں باقاعدہ طور پر غزلیں گانے کا سفر شروع ہوا۔

انہوں نے درجنوں گانے گائے۔
اس کے علاوہ انہوں نے اس زمانے کے بڑے گلوکاروں – لتا منگیشکر، محمد رفیع اور مکیش کے ساتھ گانے گائے۔
انہوں نے مکیش کے ساتھ ایک گانا ’بدریہ برس گئی ہم پر‘گایا جو ان دنوں بہت مقبول ہوا۔
انہوں نے ’رونق‘ (1944)،’نغمۂ سہارا‘ (1945)، ’امر راج‘ (1946)، ’دنیا ایک سرائے‘ (1946)، ’زیورات‘ (1949)، ’چور‘ (1951) اور ’راجپوت‘ (1951) جیسی فلموں میں کام کیا۔

سال 1945 میں، انہوں نے ثریا کے ساتھ فلم ’میں کیا کروں‘‘ میں ڈویٹ گایا۔
1948 میں انہوں نے غلام محمد کی موسیقی میں فلم پرائی آگ میں ’ کچھ بھی نہ کہا‘ گانا گایا ۔
سال 1951 میں گیتا دت کے ساتھ راجپوت میں بھی ایک ڈویٹ گایا۔
اس کے بعد انہوں نے فلم بکھرے موتی میں غلام محمد کی موسیقی میں ’دونوں ہیں مجبور پیارے‘ گا یا ۔

سال1956 میں وہ پاکستان چلی گئیں اور وہاں ریڈیو لاہور پاکستان میں کام کیا اور اس کے بعد پی ٹی وی پر نشر ہونے والے میوزیکل پروگراموں میں گلوکاری کا آغاز کیا۔
سال 1967 میں انہوں نے ’پیار کی بازی‘ اور 1971 کی گہرا راز جیسی فلمیں پروڈیوس کیں۔

سال 1971 کی دہائی میں انہوں نے کام سے ریٹائرمنٹ لے لی ور اپنے بیٹے کے ساتھ لاہور میں سکونت اخیتار کرلی۔
ان کا انتقال 9 نومبر 2006 کو لاہور میں ہوا۔

یو این آئی۔
این یو۔

Entertainment

منیشا کوئرالا نے اپنی قدرتی خوبصورتی کے ساتھ ساتھ سنجیدہ اور جذباتی اداکاری سے الگ مقام بنایا

ڈیوڈ دھون: مزاحیہ، خاندانی اور تفریحی فلموں کے لیے مشہور

رنویر سنگھ کی نئی فلم ’پرلے‘ کی شوٹنگ شروع، دنیا کے خاتمے کی کہانی!

منیشا کوئرالا نے اپنی قدرتی خوبصورتی کے ساتھ ساتھ سنجیدہ اور جذباتی اداکاری سے الگ مقام بنایا

16 Aug 2026 | 3:37 PM

ممبئی، 16 اگست (یو این آئی) منیشا کوئرالا ہندی سنیما کی ان اداکاراؤں میں شمار ہوتی ہیں جنہوں نے 1990 کی دہائی میں اپنی خوبصورتی کے ساتھ ساتھ قدرتی، سنجیدہ اور جذباتی اداکاری سے الگ مقام بنایا۔ وہ ہندی کے علاوہ تمل، ملیالم اور نیپالی فلموں میں بھی کام کر چکی ہیں۔ 16 اگست 1970 کو نیپال میں پیدا ہونے والی منیشا 2026 میں 56 برس کی ہو گئی ہیں۔.