EntertainmentPosted at: Nov 14 2025 7:40PM

اداکار دھرمیندر کی نجی زندگی کی خلاف ورزی پر پولیس میں شکایت درج

ممبئی، 14 نومبر (یو این آئی) انڈین فلم اینڈ ٹیلی ویژن ڈائریکٹرز ایسوسی ایشن (آئی ایف ٹی ڈی اے) نے کچھ صحافیوں اور میڈیا اہلکاروں کے خلاف دھرمیندر کی بیماری کے دوران ان کی نجی زندگی کی مبینہ خلاف ورزی پر پولیس میں باضابطہ شکایت درج کرائی ہے۔
دھرمیندر حال ہی میں بیماری کے بعداسپتال میں داخل تھے۔

دراصل منگل کی دیر شام سوشل میڈیا پر دھرمیندر کی موت کی جھوٹی افواہ پھیل گئی تھی، جبکہ خاندان پہلے ہی 12 نومبر کو یہ تصدیق کر چکا تھا کہ ان کی حالت مستحکم ہے اور انہیں بریچ کینڈی اسپتال سے گھر لے جایا گیا ہے تاکہ علاج گھر پر جاری رکھا جا سکے۔
اس دوران کچھ میڈیا اہلکار اسپتال اور اداکار کے گھر کے باہر لگاتار موجود رہے، جس کی وجہ سے کنبے کو پریشانی کا سامنا کرنا پڑا۔

آئی ایف ٹی ڈی اے کے ذرائع کے مطابق،آئی ایف ٹی ڈی اے کے صدر اشوک پنڈت نے 13 نومبر کو جوہو پولیس اسٹیشن میں درج کرائی گئی شکایت میں مخصوص ڈیجیٹل میڈیا پلیٹ فارمز سے وابستہ افراد اور فوٹوگرافروں پر تجاوزات اور غیر اخلاقی طرزِ عمل اختیار کرنے کا الزام لگایا گیا ہے۔

الزام ہے کہ یہ مناظر سوشل میڈیا اور ڈیجیٹل پلیٹ فارمز پر تشہیر اور مالی فائدہ حاصل کرنے کے لیے نشر کیے گئے۔
آئی ایف ٹی ڈی اے نے اسے اداکار کی ذاتی زندگی، وقار اور انسانی احترام کی سنگین خلاف ورزی قرار دیا ہے، جس نے مشکل وقت میں ان کے خاندان کو مزید پریشان کیا۔

شکایت میں الزام لگایا گیا ہے کہ میڈیا اہلکاروں کے ایک گروپ نے بغیر اجازت دھرمیندر کی نجی رہائش گاہ میں داخل ہو کر خاندان کی مرضی کے بغیر تصاویر اور ویڈیوز بنائیں۔

ایسوسی ایشن نے کہا کہ اس طرح کا عمل بھارتیہ ڈنٹ سنہیتا اور آئی ٹی ایکٹ کے کئی التزامات کے تحت قابلِ سزا مجرمانہ عمل ہے، جن میں غیر قانونی داخلہ، نجی زندگی کی خلاف ورزی اور ہتکِ عزت شامل ہیں۔

اس میں مزید کہا گیا کہ حقِ نجی زندگی ہندوستان آئین کے آرٹیکل 21 کے تحت محفوظ ہے، اس لیے ایسے واقعات کو معمولی اخلاقی خلاف ورزی سمجھ کر نظرانداز نہیں کیا جا سکتا۔

فلم و ٹی وی صنعت کے ہدایتکاروں اور تخلیقی پیشہ ور افراد کی نمائندگی کرنے والی آئی ایف ٹی ڈی اے نے اس خلاف ورزی کے ذمہ داروں کے خلاف سخت قانونی کارروائی کا مطالبہ کیا ہے۔
ایسوسی ایشن نے ممبئی پولیس سے مطالبہ کیا کہ وہ اس واقعے کی گہرائی سے تفتیش کرے، ملوث افراد اور میڈیا اداروں کی شناخت کرے اور ان کے خلاف کارروائی یقینی بنائے۔

اپنے بیان میں آئی ایف ٹی ڈی اے نے زور دیا کہ فلمی شخصیات بھی دیگر شہریوں کی طرح قانونی اور اخلاقی تحفظ کی حقدار ہیں۔
تنظیم نے اس واقعے کو ’غیر انسانی اور غیر اخلاقی میڈیا رویّے‘ کی مثال قرار دیتے ہوئے کہا کہ ایسے واقعات نہ صرف افراد کے حقوق کی پامالی ہیں بلکہ ذمہ دار صحافت کی ساکھ کو بھی نقصان پہنچاتے ہیں۔

یو این آئی۔
این یو۔

Entertainment

التمش فریدی کا گانا ’عشق دوبارہ‘ ہوا وائرل

سال 2025 میں جھانوی، یامی، تِرپتی اور کرتی سَنن سمیت کئی اداکاراؤں کے جلوے

شِلپی راج اور ماہی شریواستو کا بھوجپوری گانا ’دلوا میں رکھیہا‘ ریلیز

موسیقی کے شہنشاہ اے آر رحمان کو لکشمی نارائن انٹرنیشنل ایوارڈ سے نوازا جائے گا

التمش فریدی کا گانا ’عشق دوبارہ‘ ہوا وائرل

13 Dec 2025 | 4:47 PM

ممبئی، 13 دسمبر (یو این آئی) بگ باس 19 کی شہرت یافتہ فرحانہ بھٹ اور ارباز خان پر فلمایا گیا التمش فریدی کا رومانوی گانا ’عشق دوبارہ‘ ریلیز ہوتے ہی سوشل میڈیا پر تیزی سے وائرل ہو رہا ہے۔.