EntertainmentPosted at: Jan 16 2026 4:34PM

میرا ارادہ کسی کو تکلیف پہنچانے کا نہیں تھا': تنازع پر ہنی سنگھ کا ردِعمل

نئی دہلی، 16 جنوری (یو این آئی) ریپر یو یو ہنی سنگھ ایک بار پھر تنازع میں گھر گئے ہیں۔
دہلی میں ہوئے ان کے ایک شو کی ویڈیو سوشل میڈیا پر وائرل ہونے کے بعد ان پر مبینہ طور پر قابلِ اعتراض تبصرے کرنے کا الزام لگایا گیا ہے، جس کے باعث انہیں آن لائن شدید تنقید کا سامنا کرنا پڑ رہا ہے۔

وائرل کلپ میں ہنی سنگھ کے بیان کو فحش قرار دیا گیا ہے، جس پر کئی یوزرز نے ناراضگی ظاہر کی ہے۔
اس کے چند ہی گھنٹوں بعد ہنی سنگھ نے انسٹاگرام پر معذرت کی ایک ویڈیو شیئر کر کے اپنا مؤقف پیش کیا۔
ہنی سنگھ نے کہا کہ وائرل ویڈیو کو سیاق و سباق سے ہٹا کر ایڈٹ کیا گیا ہے، تاہم انہوں نے یہ بھی تسلیم کیا کہ اس سے کئی لوگوں کو ناگواری محسوس ہوئی ہوگی۔

انہوں نے کہا کہ ''صبح سے انسٹاگرام پر میری ایک ویڈیو وائرل ہو رہی ہے، جسے اس طرح ایڈٹ کیا گیا کہ کئی لوگوں کو اس سے دکھ پہنچا ہے۔
میں پوری بات واضح کرنا چاہتا ہوں۔
''
اپنی وضاحت میں انہوں نے بتایا کہ ان کا مقصد کسی کو تکلیف پہنچانا نہیں تھا۔
ہنی سنگھ کے مطابق، پروگرام سے قبل ان کی ملاقات کچھ معروف گائناکلوجسٹس اور سیکسولوجسٹس سے ہوئی تھی، جنہوں نے نوجوانوں میں غیر محفوظ جنسی تعلقات کے باعث بڑھتی ہوئی جنسی طور پر منتقل ہونے والی بیماریوں (ایس ٹی ڈی) پر تشویش ظاہر کی تھی۔
یہ گفتگو ان کے ذہن میں رہ گئی۔

انہوں نے بتایا کہ ننکو اور کرون کے شو میں بطور مہمان موجود رہتے ہوئے، بڑی تعداد میں جین زی ناظرین کو دیکھ کر انہوں نے محفوظ تعلقات کا پیغام اسی زبان میں دینے کی کوشش کی، جو او ٹی ٹی پلیٹ فارمز پر عام ہے۔
تاہم، انہوں نے تسلیم کیا کہ ان کا اظہار کا طریقہ نامناسب تھا۔

ہنی سنگھ نے کہا کہ ''مجھے بہت افسوس ہے کہ جس انداز میں میں نے یہ بات کہی، وہ کئی لوگوں کو قابلِ قبول نہیں لگی ہوگی۔
جن لوگوں کوبھی تکلیف پہنچی یا جنہیں توہین محسوس ہوئی، میں ان سب سے دل سے معافی مانگتا ہوں۔
''
انہوں نے مزید یقین دہانی کرائی کہ آئندہ وہ اپنے الفاظ اور اظہار میں زیادہ ضبط اور ذمہ داری کا مظاہرہ کریں گے۔

یو این آئی۔
این یو۔

Entertainment

دو بیٹیاں ہونا میرے لیے ڈبل بونس ہے: انل کپور

وجے ورما نے ’مٹکا کنگ‘ سیزن 2 کی شوٹنگ شروع کی

’پرتاپ‘ کا فرسٹ لک جاری، پولیس افسر کے کردار میں نظر آئے امِت سادھ

ہیمیش ریشمیا ’یہ پریم مول لیا‘ کے ٹائٹل گیت کی براہ راست رونمائی کریں گے

دی مشرومز' میں نظر آئے گا 80 کی دہائی کی بالی ووڈ کا جادو

دو بیٹیاں ہونا میرے لیے ڈبل بونس ہے: انل کپور

16 Sep 2026 | 4:32 PM

ممبئی، 16 ستمبر (یواین آئی) بالی ووڈ اداکار انل کپور کا کہنا ہے کہ ان کی بیٹیاں سونم اور ریا ان کے لیے ڈبل بونس ہیں۔ انل کپور جلد ہی ’انڈیا کے ٹاپ 1%: دی انل کپور شو‘ میں نظر آئیں گے۔ شو کے دوران ایک کنٹسٹنٹ نے اپنے خاندان کو وقت دینے کے لیے کام سے وقفہ لینے کے اپنے فیصلے کے بارے میں بتایا۔ اس پر انل نے اپنی زندگی کا ایک جذباتی تجربہ شیئر کیا۔.