EntertainmentPosted at: Mar 13 2026 2:14PM

رسوئی گیس کی قلت پر ہنگامے کے باعث لوک سبھا کی کارروائی ملتوی

نئی دہلی، 13 مارچ (یو این آئی) اسرائیل-امریکہ اور ایران جنگ کے باعث ملک میں رسوئی گیس (ایل پی جی) کی کمی اور اس سے عوام کو ہورہی دشواریوں پر بحث کرانے کے مطالبے کے تعلق سے لوک سبھا میں جمعہ کو اپوزیشن جماعتوں کے ہنگامے کی وجہ سے کارروائی دوسری بار دوپہر دو بجے تک کے لیے ملتوی کر دی گئی۔
ایک بار کے التوا کے بعد دوپہر 12 بجے جیسے ہی ایوان کی کارروائی شروع ہوئی، کانگریس اور دیگر اپوزیشن جماعتوں کے ارکان رسوئی گیس کی کمی کا معاملہ اٹھاتے ہوئے اس پر بحث کرانے کے مطالبے کے ساتھ شور شرابہ اور نعرے بازی کرنے لگے۔
کئی ارکان ایوان کے بیچوں بیچ آگئے۔

پریزائیڈنگ افسر سندھیا رائے نے ہنگامے کے درمیان ہی قانون سازی سے متعلق دستاویزات ایوان کی میز پر رکھوائیں۔

اسی دوران، پارلیمانی امور کے وزیر کرن رجیجو نے کہا کہ بزنس ایڈوائزری کمیٹی کی آج ہوئی میٹنگ میں طے کیا گیا تھا کہ اضافی گرانٹ کے مطالبات پر وزیر خزانہ نرملا سیتا رمن کا جواب ہوگا اور اس کے بعد پرائیویٹ ممبر بل پر بحث ہوگی لیکن کانگریس ارکان ہنگامہ کر رہے ہیں۔
انہوں نے کہا کہ کانگریس ارکان پارلیمنٹ کے احاطے میں کھانا لے کر آتے ہیں، گلاس اور تھالیاں لاتے ہیں۔
اس طرح کے ناٹک کو عوام دیکھ رہی ہے۔

مسٹر رجیجو نے کہا کہ "وہ دکھی دل سے کہہ رہے ہیں کہ کانگریس کے ارکان اپنے لیڈر کے ساتھ ساتھ خود بھی بگڑ گئے ہیں۔
ابھی وقت ہے سدھر جاؤ، عوام آپ کو اقتدار نہیں دینے والی۔
"
محترمہ رائے نے کہا کہ اضافی گرانٹ کے مطالبات پر بحث کے بعد وزیر خزانہ کا جواب آنا ہے۔
اپوزیشن ارکان کو کارروائی میں مسلسل رکاوٹ ڈالتے ہوئے عوام دیکھ رہے ہے۔
ایوان کا وقار برقرار رکھیں۔
یہ طرز عمل مناسب نہیں ہے۔
وہ درخواست کر رہی ہیں کہ ارکان اپنی اپنی نشستوں پر جائیں اور کارروائی چلنے دیں۔
ان کی درخواست کا ہنگامہ کرنے والے ارکان پر کوئی اثر نہیں ہوا، تو انہوں نے کارروائی دوپہر دو بجے تک کے لیے ملتوی کر دی۔

اس سے قبل 11 بجے اسپیکر نے جیسے ہی وقفہ سوالات شروع کیا، اپوزیشن ارکان اپنی نشستوں سے کھڑے ہو گئے اور ہنگامہ شروع کر دیا۔
انہوں نے وقفہ سوالات کو دوبارہ شروع کرنے کی کوشش کی تاہم ارکان نے ہنگامہ جاری رکھا۔

مسٹر اوم برلا نے مشتعل اراکین سے کہا، "میں نے پہلے بھی یہ درخواست کی ہے، اور میں پھر سے یہ درخواست کر رہا ہوں کہ وقفہ سوالات اہم وقت ہے۔
آج اپوزیشن کے آٹھ ارکان کے سوالات درج ہیں۔
وقفہ سوالات کے دوران قومی مسائل اور علاقائی مسائل اٹھائے جاتے ہیں، حکومت کو بھی جوابدہ ٹھہرایا جاتا ہے۔
اس لیے میں آپ سے گزارش کرتا ہوں کہ اراکین کو اپنے سوالات پیش کرنے کا موقع دیں۔
جو اراکین پارلیمنٹ میں تعطل پیدا کرنا چاہتے ہیں وہ اس وقت تعطل پیدا نہیں کر سکتے ہیں۔
وقفہ سوالات کے بعد آپ جو بھی مسائل چاہیں، اٹھائیں، لیکن وقفہ سوالات میں خلل ڈالنا مناسب نہیں ہے۔
"
ہنگامہ کرنے والے ارکان کو سخت انتباہ دیتے ہوئے مسٹر اوم برلا نے کہا، "اگر آپ ایوان میں میزوں پر چڑھیں گے تو کارروائی کی جائے گی۔
ایوان کے وقار، ترتیب اور بندوبست کو برقرار رکھنا ہر ایک کی ذمہ داری ہے، چاہے وہ پارلیمنٹ کے احاطے کے اندر ہو یا باہر، اور آپ جس طرح کا سلوک کر رہے ہیں وہ ٹھیک نہیں ہے۔
"
انہوں نے ہنگامہ کرنے والے ارکان سے سوال کیا کہ کیا وہ نہیں چاہتے کہ ایوان کام کرے۔
لیکن جب ارکان نے ان کی بات نہ سنی اور ہنگامہ جاری رہا تو انہوں نے ایوان کی کارروائی 12 بجے تک ملتوی کر دی۔

یو این آئی۔
این یو۔

Entertainment

پریاگ راج میں جلیانوالہ باغ سانحہ کی 107 ویں برسی پر شہیدوں کو خراج عقیدت

جونیئر این ٹی آر نے ورک آؤٹ کی تصویر شیئر کی

شلپی راج اور ماہی سریواستو کا گانا 'رنگدار مردا' نے 20 لاکھ سے زیادہ بار دیکھا گیا

بلراج ساہنی ایک ہمہ جہت شخصیت کے مالک تھے

پریاگ راج میں جلیانوالہ باغ سانحہ کی 107 ویں برسی پر شہیدوں کو خراج عقیدت

13 Apr 2026 | 3:27 PM

پریاگ راج، 13 اپریل (یو این آئی) جلیانوالہ باغ سانحہ کی 107 ویں برسی کے موقع پر ہفتہ کو سنگم نگری پریاگ راج میں شہیدوں کو خراج عقیدت پیش کیا گیا۔ اس موقع پر شہید چندر شیکھر آزاد پارک میں منعقدہ پروگرام میں تحریک آزادی کے بہادر جانبازوں کو نمن کیا گیا۔.