EntertainmentPosted at: Apr 17 2026 10:47AM

آرزو لکھنٔوی 2 آخری

اس دورکی فلموں میں شاعری محض تک بندی تھی۔
پھرکچھ عرصے بعد آرزو لکھنٔوی نے فلموں میں گیت لکھنے کا آغاز کیا۔
سال 1936ء میں فلم ’دیوداس‘ بنی جس کے ہدایتکار پراماتھیش بروا تھے۔
ان کا پہلا سپرہٹ گیت اسی فلم سے منظر عام پر آیا،جسے سہگل نے آواز دی تھی اور یہ انہیں پر فلمایا گیا تھا۔
جس کے بول ’بالم آئے بسو مورے من میں‘ تھے۔
اس فلم میں سہگل نے دیوداس کا کردار ادا کیا تھا، اداکارہ جمونا نے پاروتی، اور راج کماری چندرمکھی کے کردار ادا کئے تھے۔
’دیوداس‘ مشہور بنگالی ناول جسے سرت چندرا چٹو پادھیائے نے لکھا تھا، اس ناول سے ماخوذ تھی اور یہ ناول کئی بار فلم کی کہانیوں میں ڈھلا اور ہر بار دیوداس کو عوامی پسندیدگی حاصل رہی ہے۔
دیوداس کی ریلیز کے بعد اس کے گیتوں نے دھوم مچا دی تھی اور پھر نیو تھیٹرکی جو بھی فلم بنی اس کے نغمہ نگار آرزو لکھنوی ہی رہے۔
اب ان پر فلم انڈسٹری مہربان ہوتی چلی گئی، آرزوؔ لکھنٔوی نے اس دوران بیشمارگیت لکھے، نیو تھیٹرکی جن مشہور فلموں میں ان کے گیتوں کو مقبولیت حاصل ہوئی ان فلموں میں دیوداس، اسٹریٹ سنگر، آندھی، مکتی، جوانی کی ریت، ابھاگن، لگن، نرتکی، ڈاکٹر اور ہار جیت کے نام شامل ہیں۔
آرزوؔ لکھنوی ایک طویل عرصے تک کلکتہ کی فلم انڈسٹری میں اپنی شاعری کا لوہا منواتے رہے پھر انھیں بمبئی کی فلم انڈسٹری سے بھی بلاوے آنے لگے کیونکہ ان کے گلوکار اور اداکار دوست کندن لال سہگل بھی بمبئی کی فلم انڈسٹری میں اپنا مقام بنا چکے تھے۔
آرزوؔ لکھنوی 1942ء میں کلکتہ کو خیر باد کہہ کر بمبئی میں آن بسے اور یہاں آتے ہی نیشنل فلم اسٹوڈیو میں آرزوؔ لکھنوی کو بڑی چاہت سے اپنایا گیا۔
اس ادارے کی فلم روٹی، لالہ جی اور جوانی کے لیے گیت لکھے، ان فلموں کے گیت بھی بڑے مشہور ہوئے۔
نیشنل اسٹوڈیو کی فلموں کیساتھ ساتھ یہ دیگر فلمسازوں کی فلموں کی طرف بھی آتے گئے اورکئی مشہور فلم سازوں نے ان کے گیتوں کو اپنی فلموں کی زینت بنایا، اب آرزوؔ لکھنوی گیتوں کیساتھ مکالمے بھی لکھنے لگے تھے ۔
اس دوران ان کی لکھی ہوئی جن فلموں نے کامیابی کے جھنڈے گاڑے ان میں بے قصور، تصور، پرایا دھن، پرکھ، فیشن اور نئی زندگی کے نام شامل تھے۔
یہ وہ زمانہ تھا کہ ایک اداکار مظہرخان بحیثیت ہیرو بمبئی میں بڑے مشہور تھے جو بعد میں پاکستان چلے گئے تھے اور انھوں نے وہاں بڑی کسمپرسی کی زندگی گزاری تھی۔
کسی زمانے میں ان کے نام سے بمبئی میں فلمیں بکتی تھیں۔
آرزوؔ لکھنوی نے اداکار مظہر خان کی فلم ’یاد‘ کے مکالمے اور گیت بھی لکھے تھے۔
سال 1947ء میں ہندوستان تقسیم ہوا تو پھر فلم انڈسٹری میں بدلاؤ آتا چلا گیا۔
1948ء میں آرزوؔ لکھنوی نے جن دو آخری فلموں کے لیے گیت لکھے تھے ان فلموں میں ’بے قصور‘ اور ’رات کی رانی‘ تھی۔
اس فلم میں ایک گیت بڑا مشہور ہوا تھا جسے گلوکار محمد رفیع نے اپنی آواز دی تھی جس کے بول تھے: جن راتوں میں نیند اڑ جاتی ہے کیا قہر کی راتیں ہوتی ہیں عمر کے آخری دور میں آرزو ایک مشاعرے میں شرکت کی غرض سے کراچی گئے تھے۔
پاکستان میں ان کا قیام بہت ہی مختصر رہا اور 17 اپریل 1951ء کو کراچی میں ہی ان کا انتقال ہو گیا اور وہیں ان کی تدفین عمل میں آئی۔

یو این آئی۔
این یو۔

Entertainment

تیجسوی پرکاش نے کرن کندرا کے ساتھ ‘ڈبل ڈیٹ’ کے آنے والے ایپی سوڈ میں بے بی پلاننگ کو لے کر نیہا دھوپیا اور انگد بیدی پر مزاحیہ انداز میں چٹکی لی

پولیس افسر کا کردار نبھانا آسان نہیں : آنندتا ساہو

علی عباس ظفر کی فلم میں پہلی بار اسکرین پر ڈانس کرتے نظر آئیں گے آہان پانڈے!

’ڈریگن‘ کے فرسٹ گلمپس نے مچائی دھوم، این ٹی آر اور پرشانت نیل کی ایموشنل ہگ تصویر وائرل

تیجسوی پرکاش نے کرن کندرا کے ساتھ ‘ڈبل ڈیٹ’ کے آنے والے ایپی سوڈ میں بے بی پلاننگ کو لے کر نیہا دھوپیا اور انگد بیدی پر مزاحیہ انداز میں چٹکی لی

21 May 2026 | 12:57 PM

ممبئی، 21 مئی (یواین آئی) اس جمعرات ناظرین کو ہنسی اور تفریح سے بھرپور ایک شاندار ایپی سوڈ دیکھنے کو ملے گا، جب ٹیلی ویژن کے مقبول ترین جوڑوں میں سے ایک کرن کندرا اور تیجسوی پرکاش، پاور کپل نیہا دھوپیا اور انگد بیدی کے شو ڈبل ڈیٹ میں نظر آئیں گے۔.