EntertainmentPosted at: Jul 14 2026 6:37PM

'رکتانچل' سیزن 3 میں وجے سنگھ کا کردار پہلے سے زیادہ پختہ اور انتقام سے بھرپور ہوگا: کرانتی پرکاش جھا

پٹنہ، 14 جولائی (یو این آئی) معروف اداکار کرانتی پرکاش جھا نے کہا ہے کہ ویب سیریز 'رکتانچل' سیزن-3 میں ان کا وجے سنگھ کا کردار پہلے سے زیادہ میچیور، جارحانہ اور انتقام کی آگ سے بھرا ہوا نظر آئے گا۔
پوروانچل کی سیاست، جرائم اور مافیا کی دنیا پر مبنی مقبول کرائم تھرلر ویب سیریز 'رکتانچل سیزن3' کی تشہیر کے سلسلے میں اداکار کرانتی پرکاش جھا، نِکیتن دھیر اور ہدایت کار ریتم شریواستو پٹنہ پہنچے۔
فنکاروں نے سیریز کے نئے سیزن، اپنے کرداروں اور بہار سے ملنے والی محبت کے بارے میں بات چیت کی۔
فنکاروں نے کہا کہ 'رکتانچل' صرف ایک گینگ وار کی کہانی نہیں ہے بلکہ یہ اقتدار، سیاست، دھوکہ دہی اور انتقام کی اس ذہنیت کی کہانی ہے جو وقت کے ساتھ ساتھ مزید خطرناک ہوتی چلی جاتی ہے۔
تیسرے سیزن میں ناظرین کو پہلے سے کہیں زیادہ سنسنی، بڑے ٹوئسٹ اور جاندار ایکشن دیکھنے کو ملے گا۔

اداکار کرانتی پرکاش جھا نے کہا، "بہار ہمیشہ میرے لیے بہت خاص رہا ہے۔
یہاں کے ناظرین نے 'رکتانچل' کے دونوں سیزن کو بھرپور محبت دی۔
تیسرے سیزن میں وجے سنگھ کا کردار پہلے سے زیادہ میچیور، جارحانہ اور انتقام کی آگ سے بھرا ہوا نظر آئے گا۔
ہمیں پورا یقین ہے کہ یہ سیزن ناظرین کی امیدوں پر پورا اترے گا۔
" انہوں نے مزید کہا کہ پٹنہ آکر کے پرموشن کرنا ان کے لیے گھر واپسی جیسا تجربہ ہے اور بہار کے ناظرین کا جوش و خروش ہمیشہ انہیں نئی توانائی دیتا ہے۔
اداکار نِکیتن دھیر نے کہا کہ "وسیم خان کا کردار اس بار پہلے سے کہیں زیادہ خطرناک اور حکمت عملی سے بھرپور نظر آئے گا۔
اقتدار کی لڑائی اب صرف طاقت کی نہیں، بلکہ دماغ اور سیاست کی بھی ہے۔
ناظرین کو دونوں کرداروں کے درمیان زبردست ٹکراؤ دیکھنے کو ملے گا۔
" انہوں نے کہا کہ بہار اور پوروانچل کے ناظرین کا ویب کنٹینٹ کی طرف بڑھتا ہوا لگاؤ حوصلہ افزا ہے اور اسی وجہ سے ٹیم یہاں آکر کے براہِ راست ناظرین سے جڑنا چاہتی تھی۔

سیریز کے ہدایت کار ریتم شریواستو نے بتایا کہ "'رکتانچل' کا تیسرا سیزن نہ صرف کہانی کو آگے بڑھاتا ہے، بلکہ اس کے کرداروں اور سیاسی مساوات کو بھی نئی بلندیوں پر لے جاتا ہے۔
ہم نے کہانی کو پہلے سے زیادہ حقیقت پسندانہ، اثر انگیز اور سنیماٹک بنانے کی کوشش کی ہے۔
ناظرین کو ہر ایپی سوڈ میں ایک نیا سنسنی خیز تجربہ ملے گا۔
"
انہوں نے بتایا کہ سیریز کی کہانی سدھارتھ مشرا نے لکھی ہے اور اس میں بدلتے ہوئے سیاسی حالات، نئے اتحاد، دھوکہ دہی اور بالادستی کی جنگ کو انتہائی دلچسپ انداز میں پیش کیا گیا ہے۔
'رکتانچل سیزن-3' کا پریمیئر 16 جولائی سے ایمیزون ایم ایکس پلیئر پر ہوگا، جہاں ناظرین اسے بغیر کسی سبسکرپشن کے مفت دیکھ سکیں گے۔
اس سیزن میں کرانتی پرکاش جھا، نِکیتن دھیر، کرن پٹیل، ماہی گل، راجیش کمار اور وکرم کوچر اہم کرداروں میں نظر آئیں گے۔

یو این آئی۔
م ع

Entertainment

’’اننیا راج ایک فائٹر تھیں، خدا ان کی روح کو سکون دے، وہ اب ایک بہتر مقام پر ہیں‘‘: سیرت کپور

روہت صراف کا نیا اوتار، سچندر ناتھ سانیال کے رول میں زبردست انداز

کینڈڈ لمحات سے لے کر فطرت کی خوبصورتی تک، ورلڈ فوٹوگرافی ڈے پر سونی سب کے فنکاروں نے اپنی پسند شیئر کی

اشعار مرے یوں تو زمانے کے لئے ہیں

19 Aug 2026 | 12:15 PM

جاں نثار اخترکی برسی(19 اگست) کے موقع پر.