ممبئی، 23 مارچ (یو این آئی) سونے کے ذخائر، خصوصی ڈرائنگ رائٹس (ایس ڈی آر) اور بین الاقوامی مالیاتی فنڈ (آئی ایم ایف) کے پاس ذخائر میں اضافے کی وجہ سے 14 مارچ کو ختم ہونے والے ہفتے میں ملک کے زرمبادلہ کے ذخائر 30.5 کروڑ ڈالر بڑھ کر 654.3 ارب ڈالر پر پہنچ گئےجبکہ گزشتہ ہفتے کے دوران ملکی زرمبادلہ کے ذخائر 15.3 ارب ڈالر کے ریکارڈ اضافے کے ساتھ 653.9 ارب ڈالر رہے تھے۔
ریزرو بینک کے جاری کردہ ہفتہ وار اعداد و شمار کے مطابق 14 مارچ کو ختم ہونے والے ہفتے میں غیر ملکی کرنسی کے اثاثے، جو کہ غیر ملکی کرنسی کے ذخائر کا سب سے بڑا جزو ہے، 9.6 کروڑ ڈالر کی کمی سے 557.2 بلین ڈالر رہ گئے۔ اسی وقت اس مدت کے دوران سونے کے ذخائر 6.6 کروڑ ڈالر کے اضافے سے 74.4 ارب ڈالر تک پہنچ گئے۔
اسی طرح زیر نظر ہفتے کے دوران خصوصی ڈرائنگ رائٹس 5.1 کروڑ ڈالر بڑھ کر 18.3 ارب ڈالر ہو گئے۔ اس عرصے کے دوران آئی ایم ایف کا ریزرو فنڈ 28.3 کروڑ ڈالر بڑھ کر 4.43 ارب ڈالر پر پہنچ گیا۔
یو این آئی۔ م ع۔ 1235