Friday, Mar 21 2025 | Time 22:59 Hrs(IST)
Others

غالب انسٹی ٹیوٹ اور دی دکن مسلم انسٹی ٹیوٹ، پونے کے زیرِ اہتمام جشنِ غالب کا انعقاد

غالب انسٹی ٹیوٹ اور دی دکن مسلم انسٹی ٹیوٹ، پونے کے زیرِ اہتمام جشنِ غالب کا انعقاد

پونے18 فروری (یو این آئی) مرزا اسد اللہ خان غالب کے 155 ویں یومِ وفات کے موقع پرپونے کے یونانی کالج کے کانفرنس ہال میں دی دکن مسلم انسٹی ٹیوٹ، کیمپ، پونے اور غالب انسٹی ٹیوٹ، دہلی کے زیرِ اہتمام ’ہوئی مدت کہ غالب مرگیا پر یاد آتا ہے‘ کے تحت غزل خوانی مقابلہ اور ادبی و ثقافتی پروگرام کا انعقاد عمل میں آیا، جس میں مختلف تعلیمی اداروں کے طلبہ وطالبات نے حصہ لیا اور یکے بعد دیگرے ڈائس پر غزل خوانی کرکے غالب کو ان کے یومِ وفات پر بہترین خراجِ عقیدت پیش کرکے نہایت ہی عمدہ کارکردگی کا مظاہرہ کیا۔
واضح ہو کہ اِس غزل خوانی مقابلہ کے جج کے اہم فرائض محترمہ بدر آپا صاحبہ اور فرحت اقبال صاحبہ اسلامیہ اسکول، پونے نے بالترتیب سرانجام دیے۔ اس کے علاوہ محترمہ ڈاکٹر عظمت دلال صاحبہ نے نظامت کی اہم ذمہ داری کو بحسن و خوبی نبھایا۔ دی دکن مسلم انسٹی ٹیوٹ کی نائب صدر شاہدہ سید نے افتتاحی کلمات پیش کیا، جس میں انہوں نے تمام مہمانوں کا تہہ دل سے شکریہ ادا کیا،-
مہمانِ خصوصی ڈاکٹر ادریس احمد ڈائریکٹر غالب انسٹی ٹیوٹ، نئی دہلی نے مرزا اسد اللہ خان غالب کی حیات و شاعری پر روشنی ڈالتے ہوئے کہا کہ غالب اپنے عہد کی ایک باکمال شخصیت کے ساتھ ساتھ ایک انقلاب آفریں شاعر بھی تھے۔ نجم الدولہ، دبیر الملک، مرزا نوشہ اسد اللہ خان غالب اٹھارہویں صدی کے اواخر اور انیسویں صدی کے اوائل میں ابھرنے والے ایک ایسے ممتاز اور یکتائے روز گار شاعر و ادیب تھے، جن کے ادبی مزاح، شاعرانہ طنز و تنقید اور قادر الکلامی کے سبھی قائل ہیں۔ غالب دنیائے شعر و سخن میں ایک منفرد شناخت اور ہمہ جہت شخصیت کے مالک تھے۔ زبان و ادب کی ہر محفل میں ان کے اشعار و کلام کا رنگ نمایاں رہتا ہے۔ بلاشبہ اردو کے وہ تنہا شاعر ہیں، جو فکر و خیال کے اعلیٰ مقام اور زبان و بیان کے بلند عہدے پر فائز ہیں۔
انہوں نے جہاں مختلف اصنافِ سخن میں بھرپور طبع آزمائی کی وہیں خاص طور سے غزلیانہ روایات کو بلند پروازی بھی عطا کی۔ آج غالب گرچہ با حیات نہیں ہیں لیکن اُن کی شاعری دنیا کے گوشے گوشے میں اپنے جلوے بکھیر رہی ہے اور ادبی و شعری ذوق کا سامان فراہم کررہی ہے۔ ڈاکٹر صاحب نے مزید کہا کہ یہ غالب سے حد درجہ محبت کرنے والوں کی اہم ذامہ داری ہے کہ وہ غالبیات کو پڑھیں، ان پر تحقیقی مقالہ جات لکھیں اور ان کے فکر و فن کو اپنا کر اردو ادب کو عروج و دوام بخشیں۔
دی دکن مسلم انسٹی ٹیوٹ اور غالب انسٹی ٹیوٹ یہ دو ایسے ادارے ہیں جو ملک بھر میں اردو ادب بالخصوص غالبیات کے فروغ میں ایک اہم اور کلیدی کردار ادا کررہے ہیں۔ اخیر میں غزل خوانی مقابلہ میں نمایاں کارکردگی پیش کرنے والے طلبا جن میں خنساء انعامدار (پہلا مقام)، یحیٰ خان (دوسرا مقام) اور کشف فاطمہ (تیسرا مقام)کو ڈاکٹر ادریس احمد صاحب کے بدست ٹرافی اور سرٹیفکیٹ سے نوازا گیا۔ آصف سر دی دکن مسلم انسٹی ٹیوٹ کے کلماتِ تشکر پر اِس پروگرام کا اختتام ہوا۔اس موقع پر دی دکن مسلم انسٹی ٹیوٹ کے جملہ ممبران، اساتذہ و طلبہ بڑی تعداد میں موجود تھے۔
یو این آئی-ع ا- ام

خاص خبریں
دہلی کے ایمس نے صحت کی دیکھ بھال کے لیے ایک معیار قائم کیا ہے: مرمو

دہلی کے ایمس نے صحت کی دیکھ بھال کے لیے ایک معیار قائم کیا ہے: مرمو

نئی دہلی، 21 مارچ (یو این آئی) صدر جمہوریہ دروپدی مرمو نے کہا ہے کہ دہلی کے آل انڈیا انسٹی ٹیوٹ آف میڈیکل سائنسز (ایمس) نے صحت کی دیکھ بھال اور طبی تعلیم میں ایک معیار قائم کیا ہے اور انسٹی ٹیوٹ سے فارغ التحصیل ڈاکٹر اور محققین صحت کی دیکھ بھال کے نظام کو مضبوط بنانے اور لگن کے ساتھ قوم کی خدمت کرنے میں اہم کردار ادا کریں گے۔

...مزید دیکھیں
جسٹس یشونت ورما تنازعہ: سپریم کورٹ نے ’ان ہاؤس‘  جانچ شروع کی

جسٹس یشونت ورما تنازعہ: سپریم کورٹ نے ’ان ہاؤس‘ جانچ شروع کی

نئی دہلی، 21 مارچ (یو این آئی) سپریم کورٹ نے دہلی ہائی کورٹ کے جج یشونت ورما کی رہائش گاہ پر حال ہی میں آگ لگنے کے بعد مبینہ طور پر بڑی رقم کی برآمددگی سے متعلق منفی رپورٹ کی بنیاد پر معاملے میں ’ان ہاؤس‘ انکوائری شروع کر دی ہے۔

...مزید دیکھیں
راجیہ سبھا میں آج اراکین کے پرائیویٹ بل پیش نہیں کیے جائیں گے

راجیہ سبھا میں آج اراکین کے پرائیویٹ بل پیش نہیں کیے جائیں گے

نئی دہلی، 21 مارچ (یو این آئی) چیئرمین جگدیپ دھنکڑنے آج راجیہ سبھا کو مطلع کیا کہ وہ بجٹ کے تحت وزارت داخلہ کے کام کاج پر بحث کرانے کے قابل نہیں ہیں، لیکن اگر ایوان اجازت دیتا ہے تو پرائیویٹ ممبر بل اور وقفہ سوال کو روک کر یہ بحث کی جا سکتی ہے اور 4 اپریل کو پرائیویٹ ممبر بلز کو پیش کرنے کا موقع دیا جائے گا۔

...مزید دیکھیں
جموں و کشمیر میں ترقی کا نیا دور، اگلے سال نکسلیوں کا مکمل خاتمہ ہو جائے گا: امت شاہ

جموں و کشمیر میں ترقی کا نیا دور، اگلے سال نکسلیوں کا مکمل خاتمہ ہو جائے گا: امت شاہ

نئی دہلی، 21 مارچ (یواین آئی) وزیر داخلہ امت شاہ نے جمعہ کو راجیہ سبھا میں کہا کہ مودی حکومت نے امن اور سلامتی کی بنیاد پر جموں و کشمیر میں ترقی اور جمہوریت کے ایک نئے دور کا آغاز کیا ہے، حکومت نے بات چیت، سلامتی اور تال میل کو اپنا کر نکسلیوں کے مسئلے پر کامیابی حاصل کی ہے اور اگلے سال 31 مارچ تک ملک سے نکسلیوں کا مکمل خاتمہ کر دیا جائے گا۔

...مزید دیکھیں
نڈا نے صحت کی دیکھ بھال میں جدت لانے پر زور دیا

نڈا نے صحت کی دیکھ بھال میں جدت لانے پر زور دیا

نئی دہلی، 21 مارچ (یو این آئی) صحت اور خاندانی بہبود کے مرکزی وزیر جگت پرکاش نڈا نے جمعہ کو صحت کی دیکھ بھال کے شعبے میں جدت اور تعاون کے جذبے کو اپنانے پر زور دیتے ہوئے کہا کہ میڈیکل سائنس اور ٹیکنالوجی میں ترقی صحت کی دیکھ بھال کے منظر نامے میں انقلاب برپا کر رہی ہے۔

...مزید دیکھیں
پسماندہ طبقے کے تئیں حساسیت ملک یا سماج کے وقار کی علامت ہے: مرمو

پسماندہ طبقے کے تئیں حساسیت ملک یا سماج کے وقار کی علامت ہے: مرمو

نئی دہلی، 21 مارچ (یو این آئی) صدر جمہوریہ دروپدی مرمو نے ہمدردی، جامعیت اور خیر سگالی کو ہندوستانی ثقافت اور تہذیب کی اقدار قرار دیتے ہوئے جمعہ کو کہا کہ پسماندہ طبقے کے تئیں حساسیت کسی بھی ملک یا معاشرے کی ساکھ کا تعین کرتی ہے۔

...مزید دیکھیں
کیجریوال نے پنجاب کو لوٹنے کے لیے افسروں کو تعینات کیا: یادو

کیجریوال نے پنجاب کو لوٹنے کے لیے افسروں کو تعینات کیا: یادو

نئی دہلی، 21 مارچ، (یو این آئی) دہلی پردیش کانگریس کے صدر دیویندر یادو نے سابق نائب وزیر اعلی منیش سسودیا کو پنجاب کا انچارج بنانے پر عام آدمی پارٹی (آپ) اور سابق وزیر اعلی اروند کیجریوال کو نشانہ بناتے ہوئے کہا کہ 'آپ' نے مسٹر سسودیا کو پنجاب کا انچارج بنایا اور وہاں بھی لوٹ مار کرنے کے لیے عہدیداروں کو تعینات کیا۔

...مزید دیکھیں