نئی دہلی، 15 جون (یو این آئی) ہندوستان میں کووڈ-19 کے موجودہ مریضوں کی کل تعداد اتوار کے روز 7,400 سے گھٹ کر 7,383 ہوگئی گزشتہ 24 گھنٹے کے دوران زیر علاج مریضوں کی تعداد میں 17 کی کمی آئی ہے مرکزی وزارت صحت کی طرف سے آج صبح 8 بجے جاری کردہ اعداد و شمار کے مطابق اس انفیکشن کی وجہ سے 10 لوگوں کی جان چلی گئی ہے اس کے بعد کورونا وائرس سے مرنے والوں کی تعداد بڑھ کر 97 ہو گئی ہے گزشتہ 24 گھنٹے کے دوران دہلی میں تین، کیرالہ میں پانچ اور مہاراشٹر میں کووڈ-19 کی وجہ سے دو لوگوں کی موت ہوئی ہے۔ یہ سب افراد صحت کے سنگین مسائل میں مبتلا تھے۔ دہلی اور مدھیہ پردیش میں نئے متاثرین10 بڑھ کر بالترتیب 682 اور 130 ہو گئے، جبکہ کیرالہ میں 102 کیسز کی کمی درج ہوئی، حالانکہ کیرالہ میں سب سے زیادہ 2007 زیادہ مریض ہیں۔
سرکاری ویب سائٹ کے مطابق، مغربی بنگال، اروناچل پردیش، چنڈی گڑھ، چھتیس گڑھ، گوا، ہماچل پردیش، میزورم، پڈوچیری اور تریپورہ میں کووڈ-19 کا کوئی نیا کیس سامنے نہیں آیا ہے۔ دہلی میں اس وائرس کی وجہ سے جن تین لوگوں کی موت ہوئی ہے ان میں ایک 57 سالہ خاتون، ایک 83 سالہ خاتون اور ایک 57 سالہ مرد شامل ہیں۔
دوسری جانب کیرالہ میں اس انفیکشن کی وجہ سے 86 سالہ شخص، ایک 79 سالہ شخص، ایک 70 سالہ شخص، ایک 73 سالہ شخص اور ایک 92 سالہ خاتون کی موت ہوئی ہے۔
مہاراشٹر میں، ایک 56 سالہ شخص اور ایک 32 سالہ شخص اس کی وجہ سے اپنی جانوں سے ہاتھ دھو بیٹھے ہیں۔ ماہرین صحت نے ہائی رسک والے لوگوں کو مشورہ دیا ہے کہ وہ بھیڑ بھاڑ والی جگہوں پر ماسک پہنیں اور باقاعدگی سے ہیلتھ چیک اپ کروائیں۔
یو این آئی۔ م ش۔