نئی دہلی، 10 مئی (یو این آئی) ہندوستان اور پاکستان نے براہ راست بات چیت کے بعد ایک دوسرے کے خلاف گولہ باری اور فوجی کارروائی روکنے پر اتفاق کیا ہے۔
خارجہ سکریٹری وکرم مسری نے ہفتہ کی شام ایک خصوصی بریفنگ میں اس کا اعلان کیا۔
انہوں نے کہا کہ پاکستان کے ملٹری آپریشنز کے ڈائریکٹر جنرل نے آج سہ پہر اپنے ہندوستانی ہم منصب سے ٹیلی فون پر بات چیت کا آغاز کیا۔ اس کے بعد ہونے والی بات چیت میں دونوں فریقوں نے شام 5 بجے سے ہر طرح کی فوجی کارروائی روکنے پر اتفاق کیا ہے۔
سکریٹری خارجہ نے کہا کہ پاکستان کے ملٹری آپریشنز کے ڈائریکٹر جنرل نے اپنے ہندوستانی ہم منصب سے3بجکر 35منٹ پر بات چیت کی۔ دونوں فریقوں نے ہندوستانی وقت کے مطابق شام 5 بجے سے بری ، فضائی اور بحری سمیت تمام علاقوں میں فوجی کارروائی بند کرنے پر اتفاق کیا ہے۔
اس حوالے سے دونوں ممالک نے اپنی مسلح افواج کو اس پر عمل درآمد کے احکامات جاری کیے ہیں۔ دونوں فوجی افسران پیر یعنی 12 مئی کو دوپہر 12 بجے صورتحال کا جائزہ لینے کے لیے دوبارہ بات کریں گے۔
یواین آئی۔ایف اے