نئی دہلی، 30 نومبر (یو این آئی) ہندوستانی فوج اور سنگاپور کی مسلح افواج کی دو طرفہ مشترکہ فوجی مشق "اگنی واریر - 2024" آج مہاراشٹر کے فیلڈ فائرنگ رینج دیولالی میں اختتام پذیر ہوئی فوج کے مطابق، 28 نومبر کو شروع ہونے والی سہ روزہ مشق میں سنگاپور کی مسلح افواج کا دستہ شامل تھا، جس میں سنگاپور کے آرٹلری کے 182 فوجی اور ہندوستانی فوج کی آرٹلری رجمنٹ کے 114 فوجی شامل تھے مشق کا مقصد اقوام متحدہ کے چارٹر کے تحت ایک کثیر قومی قوت کے طور پر جوائنٹیشن حاصل کرنے کے لیے مشقوں اور طریقہ کار کے بارے میں باہمی افہام و تفہیم کو بڑھانا تھا۔ مشق میں دونوں فوجوں کے توپخانے کے ذریعے مشترکہ فائر پاور پلاننگ، عملدرآمد اور نئی نسل کے آلات کے استعمال کا مظاہرہ کیا گیا۔
اس مشق کے دوران ڈائریکٹر جنرل آف آرٹلری لیفٹیننٹ جنرل ادوش کمار، کمانڈنٹ ا سکول آف آرٹلری لیفٹیننٹ جنرل این ایس سرنا اور سنگاپور کی مسلح افواج کے چیف آرٹلری آفیسر کرنل اونگ چیو پیرانگ موجود تھے۔ اہم شخصیات نے اعلیٰ سطحی پیشہ ورانہ مہارت اور قابلیت کا مظاہرہ کرنے والے فوجیوں کی ستائش کی ۔
مشق میں وسیع پیمانے پر مشترکہ تیاری، رابطہ کاری، ایک دوسرے کی صلاحیتوں کو سمجھنا، طریقہ کار اور ہندوستان اور سنگاپور کے توپ خانے کے درمیان مشترکہ انٹرفیس کی ترقی شامل تھی۔ یہ سنگاپور کی مسلح افواج کے سپاہیوں کی کامیاب تربیت کی انتہا ہے جو انہیں فائر پاور پلاننگ کی پیچیدگیوں سے روشناس کراتی ہے۔ دونوں اطراف نے مشق کے دوران مخصوص ٹیکنالوجیز کا استعمال کیا اور مشترکہ تربیت کے حصے کے طور پر بہترین طریقہ کار کا تبادلہ کیا۔
یو این آئی ۔ ع خ