تہران، 10 مئی (یو این آئی) ایران کی اعلیٰ سکیورٹی فورس، اسلامی انقلابی گارڈ کور (آئی آرجی سی) کی بحریہ ونگ نے خبردار کیا ہے کہ ایرانی آئل ٹینکروں اور تجارتی جہازوں کے خلاف کسی بھی قسم کی جارحیت کا نتیجہ خطے میں امریکی فوجی اڈوں ایک میں اور "دشمن" کے جہازوں پر بڑے پیمانے پر حملے کی صورت میں نکلے گا یہ تبصرے ہفتہ کو سوشل میڈیا پلیٹ فارم ایکس پر ایک پوسٹ میں کئے گئے، جو جمعرات اور جمعہ کو آبنائے ہرمز میں اور اس کے ارد گرد ایران اور امریکہ کے درمیان بھڑکی چھٹپٹ جھڑپوں کے بعد آئے ہیں۔
قابل ذکر ہے کہ گزشتہ کچھ دنوں میں امریکی فوج نے کئی ایرانی جہازوں اور آئل ٹینکروں پر حملے کیے ہیں۔ ایکس پر ایک اور پوسٹ میں، آئی آرجی سی کے ایرو اسپیس ڈویژن نے کہا کہ اس کے میزائلوں اور ڈرونز نے خطے میں امریکی اڈوں اور جارح دشمن کے جہازوں کو نشانہ بنایا ہے۔ اس میں یہ بھی کہا گیا ہے کہ وہ حملے کے احکامات کا انتظار کر رہے ہیں۔
یواین آئی۔الف الف