برسی 10مئی پر خاص
نئی دہلی/ممبئی  10 مئی (یو این آئی) کیفی اعظمی اردو ادب کے ایک عظیم انقلابی شاعر، نغمہ نگار اور سماجی کارکن تھے  ان کی پیدائش 14 جنوری 1919 کو اعظم گڑھ کے ایک گاؤں مِجواں میں ہوئی، جب کہ وفات 10 مئی 2002 کو ممبئی میں ہوئی کی شاعری میں انقلابی فکر، سماجی انصاف، مزدوروں کے حقوق اور انسانیت کی بات نمایاں طور پر ملتی ہے کیفی اعظمی نے فلمی دنیا میں بھی نمایاں خدمات انجام دیں اور کئی مشہور فلموں کے لیے نغمے اور مکالمے لکھےان کی شاعری آج بھی ظلم کے خلاف آواز اور انسان دوستی کی علامت سمجھی اتی ہے کیفی پروگریسو رائٹرس ایسوسی ایشن سے وابستہ تھے ۔

ان کی مشہور تصانیف میں آخری شب،آوارہ سجدے، اور ،سرمایہ، شامل ہیں، جبکہ فلمی گیتوں میں بھی ان کا انداز بہت مقبول رہا۔
انہوں نے ہیر رانجھا جیسی فلم کے مکالمے منظوم انداز میں لکھ کر ایک نیا تجربہ کیا۔

کیفی اعظمی کو ان کی ادبی خدمات کے اعتراف میں پدم شری سمیت کئی اعزازات سے نوازا گیا۔
وہ معروف اداکارہ شبانہ اعظمی کے والد بھی تھے۔

ہندی فلمی دنیا کے مشہور شاعر اور نغمہ نگار کیفی آعظمی میں شعر و شاعری کی صلاحیت بچپن سے ہی نظر آنے لگی تھی۔

ان کا پورا نام اطہر حسین رضوی تھا۔
ان کے والد زمیندار تھے جو انہیں اعلی تعلیم دلانا چاہتے تھے اور اسی مقصد سے انہوں نے کیفی کا داخلہ لکھنٔو کے مشہور مدرسے ’’سلطان المدارس‘‘ میں کرادیا تھا۔
کیفی نے محض گیارہ برس کی عمر سے ہی شعر کہنا شروع کر دیئے تھے اور وہ اکثر مشاعروں میں شرکت لگے لگے تھے۔
لیکن بیشتر لوگ جن میں ان کے والد بھی شامل تھے یہ سوچا کرتے تھے کہ کیفی اعظمی مشاعروں میں اپنی نہیں بلکہ اپنے بڑے بھائی کی غزلیں پڑھتے ہیں۔

جاری یواین آئی۔
ایم جے