نئی دہلی 23 جون (یواین آئی) عام آدمی پارٹی کے قومی کنوینر اروند کیجریوال نے کہا کہ پنجاب میں حکومت کے کام سے لوگ خوش ہیں، یہی وجہ ہے کہ وہاں کے اسمبلی ضمنی انتخابات میں شاندار کامیابی ملی ہے آج ضمنی انتخابات کے نتائج سامنے آنے کے بعد مسٹر کیجریوال نے ایکس پر کہاکہ "گجرات کی ویساوادر سیٹ اور پنجاب کی لدھیانہ ویسٹ سیٹ پر عام آدمی پارٹی کی شاندار جیت پر آپ سب کو بہت بہت مبارک ہو گجرات اور پنجاب کے لوگوں کو بہت بہت مبارک ہو۔
انہوں نے کہاکہ "اس سے ظاہر ہوتا ہے کہ پنجاب کے لوگ ہماری حکومت کے کام سے بہت خوش ہیں اور انہوں نے 2022 کے مقابلے میں زیادہ ووٹ دیا ہے۔ گجرات کے لوگ اب بی جے پی سے تنگ آچکے ہیں اور انہیں عام آدمی پارٹی میں امید نظر آرہی ہے"۔
اے اے پی لیڈر نے کہا کہ دونوں پارٹیاں کانگریس اور بی جے پی نے دونوں جگہوں پر ایک ساتھ الیکشن لڑا ہے۔ ان دونوں کا ایک ہی مقصد تھا - "اے اے پی" کو شکست دینا لیکن لوگوں نے دونوں جگہوں پر ان دونوں پارٹیوں کو مسترد کر دیا۔
دہلی کے سابق نائب وزیر اعلیٰ منیش سسودیا نے کہاکہ "پنجاب میں سیمی فائنل میں شاندار جیت۔ اب فائنل کی باری ہے۔" قابل ذکر ہے کہ پنجاب میں لدھیانہ مغربی اسمبلی ضمنی انتخاب میں اے اے پی امیدوار سنجیو اروڑہ نے اپنے قریبی حریف کانگریس کے بھارت بھوشن آشو پر 10637 ووٹوں کے فرق سے کامیابی حاصل کی۔ گجرات اسمبلی کی دو سیٹوں پر ہوئے ضمنی انتخابات میں ایک سیٹ بی جے پی اور ایک اے اے پی کے حصے میں آئی۔ گجرات کی ویساوادر سیٹ پر آپ کی امیدوار اٹالیہ گوپال نے اپنے حریف بی جے پی امیدوار کریت پٹیل کو 17554 ووٹوں سے شکست دی۔
یواین آئی۔ظ ا